Okaayenzire kwongyera kukora bingi omu buheereza bwaitu omu bwire bw’Ekiijutsyo? (2Kor 5:14, 15) Omu Maaci na Apuri, baapayoniya abahwezi nibabaasa kucwamu kuhayo eshaaha 30 nari 50. Waaba noobaasa kwejumba omu buheereza obu obw’omutaano, ijuza foomu ogihe abari aha Kakiiko k’Obuheereza omu kibiina kyawe. Buri kwezi, amaziina gaabo abaikiriziibwe kuheereza nka baapayoniya abahwezi nigaza kushomerwa ab’omu kibiina. N’ahabw’ekyo, ab’omu kibiina nibabaasa kuhwera baapayoniya omu kubuurira. Twena ka tuteereho kukoresa emigisha yoona ei turikutunga omu bwire bw’Ekiijutsyo kubaasa kwongyera aha bukoryo bwaitu bw’okubuurira n’okugumyana.—1Tes 5:11.