Yehova naatwara ebiragaano by’obushwere nka bikuru. Akagira ngu naayenda ngu omushaija n’omukazi bagume hamwe. (Mat 19:5, 6) Hariho abaheereza ba Ruhanga baingi abaine obushwere burungi. Kwonka, tihariho obushwere obuhikiriire. Twine kwetantara emiteekateekyere erikugira ngu abari omu bushwere baaba baine oburemeezi ekirikubaasa kubahwera n’okutaana nari okugaitururwa. Abakristaayo nibabaasa kurinda bata obushwere bwabo?

Ka tureebe ebintu bitaano.

1. Rinda omutima gwawe orikwanga ebintu nk’okweshunga n’ou otari nawe omu bushwere, n’eby’okweshemeza ebirimu eby’obushambani, ebirikushiisha obushwere.—Mat 5:28; 2Pet 2:14.

2. Hamya omukago gwawe na Yehova, kandi oyongyere aha kyetengo kyawe ky’okwenda kumushemeza omu bushwere bwawe.—Zab 97:10.

3. Gumizamu noojwara omuntu omusya, kandi orikukorera ou ori nawe omu bushwere ebikorwa by’embabazi ebiraamureetere kwehurira gye.—Kol 3:8-10, 12-14.

4. Gaaniira n’omukundwa waawe omu muringo gw’ekitiinisa kandi ogurikwombeka.—Kol 4:6.

5. Muhe ekishemereire omu bushwere omu muringo gwa rukundo.—1Kor 7:3, 4; 10:24.

Abakristaayo ku barikuha obushwere ekitiinisa, nibaba nibaha Yehova ekitiinisa, Owaatandikireho obushwere.

MUREEBE VIDIYO TWINE KWIRUKA N’OKUGUMISIRIZA—YOROBERA EBIRAGIRO BY’OKWIRUKA, REERO MUGARUKYEMU EBIBUUZO EBI:

• N’obu obushwere burikubaasa kutandika gye, ni buremeezi ki oburikubaasa kubaho?

• Emisingye ya Baibuli neebaasa kuhwera eta abarikureeba ngu obushwere bwabo tiburimu rukundo?

• Yehova atuhaire biragiro ki ebirikukwata aha bushwere?

• Obushwere kubaasa kubamu okushemererwa, omushaija n’omukazi baine kukora ki?