Ahabw’enki oine kugambira abazaire baawe ebikuri aha mutima? (Enf 23:26) Yehova akabaha obujunaanizibwa bw’okukuhwera n’okukuhabura. (Zab 127:3, 4) Nibabaasa kugumirwa kukuhwera waabashereka oburemeezi bwawe n’ebirikukwerarikiriza. Kandi noobaasa kufeerwa omugisha gw’okwegyera aha bi baarabiremu. Mbwenu shi nikiba kigwire kutagambira abazaire baawe buri kimwe ekirikuba kikuri aha mutima? Obumwe nikiba kitagwire, kwonka oine kuhamya ngu ti waabareetera kuteekateeka ebitahikire ahariiwe.—Enf 3:32.

Noobaasa kugamba ota n’abazaire baawe? Teeraho kusherura obwire burungi obu orikubaasa kugamba nabo. Ekyo kyaba nikikugumira, noobaasa kuhandiikira omwe aharibo ebaruha kumugambira oku orikwehurira. Mbwenu shi ku baakuba nibenda kugamba naiwe aha kintu eki otarikwenda kugambaho? Ijuka ngu nibenda kukuhwera. Abazaire baawe ti bazigu baawe. Waateeraho kugaaniira n’abazaire baawe aha bikuri aha mutima noija kugasirwa ebiro by’amagara gaawe byona.—Enf 4:10-12.

MUREEBE VIDIYO EBI EMINYEETO BARIKURABAMU—NIMBAASA KUGAMBA NTA N’ABAZAIRE BANGYE?, REERO MUGARUKYEMU EBIBUUZO EBI:

• Esther na Partik bakeetegyereza ngu bakaba baine bureemezi ki?

• Noobaasa kwegyera ki ahari Yesu?

• Abazaire baawe boorekire bata ngu nibakufaho?

• Ni misingye ki y’omu Baibuli erikubaasa kukuhwera kugamba n’abazaire baawe?