EBI ABAKRISTAAYO TWINE KUKORA
Ebyahangirwe Nibituhwera Kwesigira Kimwe Obwengye bwa Yehova
Mbwenu shi Yehova obutoosha naamanya ekirikubaasa kutugasira? Eego buzima! N’ahabw’ekyo, nitworeka ngu twine obwengye twakuratira obuhabuzi bwe. (Enf 16:3, 9) Kwonka, obuhabuzi bwe bwaba nibutaana aha ki turikuteekateeka, obwesigye bwaitu omuri we nibubaasa kugyezibwa. Nitubaasa kuhamya obwesigye bwaitu omu obwengye bwa Yehova turikuteekateeka aha bi yaahangire.—Enf 30:24, 25; Rom 1:20.
MUREEBE VIDIYO KIKAHANGWA? EBIMUNYU NIBYETANTARA BITA AKAMIGANO BYABA NIBIGYENDA? REERO MUGARUKYEMU EBIBUUZO EBI:
-
Ebimunyu nibikora ki buri-izooba?
-
Ebimunyu nibyetantara bita akamigano?
-
Abantu nibabaasa kwegyera ki aha ku ebimunyu birikuruga omu mwanya gumwe bikaza omu gundi?
MUREEBE VIDIYO KIKAHANGWA? OKU ENJOKI ERIKWETWA BUMBLEBEE ERIKUGUMA NEEGURUKA OMU MUYAGA GW’AMAANI, REERO MUGARUKYEMU EBIBUUZO EBI:
-
Abantu nibatunga bureemezi ki baaba nibavuga enyonyi enkye?
-
Niki ekirikubaasisa enjoki erikwetwa bumblebee kuguma neeguruka n’omu muyaga gw’amaani?
-
Abantu nibabaasa kwija kugasirwa bata omu kwetegyereza enjoki egi?
Ebihangirwe ebiri omu kicweka kyawe nibyoreka bita obwengye bwa Yehova?
