TEERAHO KWEJUMBA OMU KUBUURIRA | YONGYERA KUTUNGA OKUSHEMERERWA OMU BUHEEREZA BWAWE
Hwera Abu Orikwegyesa Baibuli Kuza omu Nteerane
Enteerane z’ekibiina n’ekicweka kikuru omu kuramya okw’amazima. (Zab 22:22) Abarikweteeranira hamwe kuramya Yehova nibatunga okushemererwa n’emigisha. (Zab 65:4) Abeegi ba Baibuli nibakira kutunguuka juba baaba nibaza omu nteerane obutoosha.
Noobaasa kuhwera ota abu orikwegyesa Baibuli kuza omu nteerane? Guma noobeeta kwija omu nteerane. Boorekye vidiyo Niki Ekirikukorerwa aha Kyombeko ky’Obukama? Bagambire oku baraagasirwe baza omu nteerane. (lff eishomo 10) Noobaasa kubagambira eki oyegire omu nteerane nari eki murikuza kwegaho omu ruteerane oruraakurateho. Ha abu orikwegyesa Baibuli ebitabo ebiraakoresibwe omu nteerane. Bahe obuhwezi oburikwetengyesa. Nibabaasa kuba bataine esente z’okuza omu nteerane. N’obu kirikwetengyesa kutamu amaani, abu orikwegyesa Baibuli ku baraije omu nteerane omurundi gw’okubanza, nihaza kurugamu ebirungi.—1Kor 14:24, 25.
MUREEBE VIDIYO HWERA ABU ORIKWEGYESA BAIBULI KUZA OMU NTEERANE, REERO MUGARUKYEMU EBIBUUZO EBI:
-
Neeta akakoresa mugisha ki kweta Jade omu nteerane z’ekibiina?
-
Ahabw’enki nitushemererwa omwegi wa Baibuli ku arikwija omu nteerane?
-
“Buzima kwo Ruhanga ari omuriimwe”
Jade akareeba ki ku yaagiire omu ruteerane omurundi gw’okubanza?
