Nitwenda kushemeza Yehova omuri byona ebi turikukora. (Enf 27:11) Kubaasa kukora ekyo, twine kucwamu ebirikworeka ngu nitumanya emiteekateekyere ye n’obu haakuba hatariho ekiragiro ekirikugamba aha nshonga butunu. Niki ekirikubaasa kutuhwera kukora ekyo?

Guma nooyeyegyesa Baibuli obutoosha. Buri murundi ogu turikushoma Baibuli, nooba nooshusha ngu nitumara obwire na Yehova. Nitubaasa kumanya emiteekateekyere ya Yehova turikwetegyereza oku yaatwariize abaheereza be n’okushwijuma eby’okureeberaho by’abo abaakozire ebirungi nari ebibi omu maisho ge. Twaba nitwenda kucwamu, omwoyo gurikwera nigubaasa kutuhwera kwijuka amashomo makuru n’emisingye ei turikwega omu Kigambo kya Ruhanga.—Yoh 14:26.

Koora okucoondoza. Waaba nooyenda kugira eki waacwamu, yebuuze oti: ‘Ni byahandiikirwe ki nari ni by’okureeberaho ki omu Baibuli ebirikubaasa kumpwera kwetegyereza oku Yehova arikwehurira aha nshonga egi?’ Shaba Yehova kukuhwera, kandi koresa eby’okucoondozamu ebiriho omu rurimi rwawe kubaasa kutunga emisingye ya Baibuli erikubaasa kukuhwera omu mbeera yaawe.—Zab 25:4.

MUREEBE VIDIYO TWINE KWIRUKA TURIKUGUMISIRIZA—RYA EBYOKURYA EBIRIMU EKIRIISA, REERO MUGARUKYEMU EBIBUUZO EBI:

• Omu vidiyo, munyaanyazi-itwe omuto akatunga kugyemeserezibwa ki?

  Eky‘okugarukamu kyawe

• Noobaasa kukoresa ota eby’okucondoozamu kukuhwera kugumisiriza okugyemeserezibwa nk’okwo?

  Eky‘okugarukamu kyawe

• Nitugasirwa tuta twataho obwire tukacondooza kandi tukeeyegyesa aha birikubaasa kutuhwera kucwamu gye?—Heb 5:13, 14

  Eky‘okugarukamu kyawe