EBI ABAKRISTAAYO TWINE KUKORA
Nihaija Kubaho Okuzooka Ahabw’Ekitambo
Ekiijutsyo nikitubaasisa kuteekateeka aha migisha ei turaatungye ahabw’ekitambo. Gumwe aha migisha egi n’okuzooka. Kikaba kitari kigyendererwa kya Yehova ngu abantu bafe. Egi niyo nshonga ahabw’enki ku turikufeerwa abakundwa baitu nitushaasha munonga. (1Kor 15:26) Yesu akashaasha munonga ahabw’okureeba obusaasi obu abeegi be baabaire baine ahabw’okufa kwa Laazaaro. (Yoh 11:33-35) Ahabw’okugira ngu Yesu naatwaza nka Ishe, nituhamya ngu Yehova naashaasha munonga ku turikufeerwa abu turikukunda. (Yoh 14:7) Yehova aine ekihika ky’okwija kuzoora abaheereza be, kandi naitwe tushemereire kugira ekihika.—Yob 14:14, 15.
Obu Yehova ari Ruhanga w’obuteeka, n’eky’oburyo kugira ngu okuzooka nikwija kubaho omu buteeka. (1Kor 14:33, 40) Omu mwanya gw’okutebeekanisa okuziika, nihaija kubaho okwakira abaraazoorwe. Nooteekateeka aha kuzooka waaba oine obusaasi ahabw’okufeerwa? (2Kor 4:17, 18) Noosiima Yehova ahabw’okuhayo ekitambo n’okutumanyisa kurabira omu byahandiikirwe ngu abaafiire baryazooka?—Kol 3:15.
-
Ni baahi ahari banywani baawe nari abanyabuzaare abaafiire abu oyiniire ekihika kureeba?
-
Omu barikugambwaho omu Baibuli okaayenzire kureeba oha kandi okagaaniira nawe?