Akatabo Hurikiza Ruhanga katebeekanisiibwe kwegyesa amazima agarikutandikirwaho agarikubaasa kureebwa n’abo abatarikumanya kushoma ebihandiikirwe. Buri eishomo eriri aha mpapura ibiri ririmu ebishushani ebitebeekanisiibwe gye biriho n’obumanyiso oburikworeka ekishushani ekirikukurataho.

Ebiri omu katabo Hurikiza Ruhanga Obone Kugumaho Ebiro nibishushana n’ebiri omu Hurikiza Ruhanga, kwonka Hurikiza Ruhanga Obone Kugumaho Ebiro ko kaine ebigambo bingiho kandi nikabaasa kukoresibwa abeegi abarikumanya kushomamu kakye. Ababuurizi nibakunda kukakoresa baaba nibeegyesa abeegi omu katabo Hurikiza Ruhanga. Empapura ezirikukira obwingi niziba ziriho akabokisi akarimu ebirikukiraho ebi omwegyesa n’omwegi barikubaasa kuhikaanisaho ebiteekateeko, kurugiirira aha kubaasa kw’omwegi.

Noobaasa kugaba kamwe aha butabo obu bwombi ahu orikwendera, n’obu kaakuba katari k’okugaba okwezi okwo. Waaba nooyegyesa omwegi wa Baibuli, koresa ebishushani kushoboorora ebirikworekwa ebiri omu Baibuli. Buuza ebibuuzo kuhiga omwegi nawe kwejumba omu kwega kandi ohamye ngu yaayetegyereza. Shoma kandi oshoboorore ebyahandiikirwe ebiri aha muheru gwa buri rupapura. Mwaheza akatabo ako, mwegye Niki Eki Turikwega omu Baibuli? kuhwera omwegi kutunguuka okubaasa kuhika aha kubatizibwa.