EBI ABAKRISTAAYO TWINE KUKORA
Okwongyera Kubuurira Gye—Okwegyesa Abeegi ba Baibuli Kutebeekanisa
AHABW’ENKI NI KIKURU: Abeegi ba Baibuli baatebeekanisa gye, nibabaasa kwetegyereza kandi baijukye ebi turikubeegyesa. Oku barikweyongyera kwetegyereza kandi bakaijuka, nikwo barikweyongyera n’okutunguuka. Na bwanyima y’okubatizibwa, nibaba baine kutebeekanisiza enteerane n’okubuurira kugira ngu ‘bagume nibareeba.’ (Mat 25:13) N’ahabw’ekyo, okumanya oku baine kwega n’okugira entebeekanisa nungi y’okweshomesa nikiija kubagasira ebiro byona. Twatandika kubeegyesa, twine kubahwera kuguma nibatebeekanisa ebi barikuza kwega.
OKU TURIKUBAASA KUKIKORA:
-
Ba eky’okureeberaho kirungi. (Rom 2:21) Tebeekanisa ebi orikuza kwegyesa buri mwegi kandi obateekateekeho. (km 11/15 3) Mworekye ngu otebeekaniise
-
Muhige kutebeekanisa. Yaagumizamu naayega, muhwere kumanya ngu okutebeekanisa ni kikuru omu ntebeekanisa y’okwega, kandi mugambire ebirungi ebirimu. Muhe obuhabuzi aha ku arikubaasa kutunga obwire bw’okutebeekanisa. Abamwe nibaikiriza abu barikwegyesa kukoresa akatabo kaabo akatebeekaniise baaba nibabeegyesa kubahwera kumanya omugasho gw’okutebeekanisa. Musiime yaaba atebeekaniise
-
Yoreka omwegi wa Baibuli oku aine kutebeekanisa. Baaba nibatandika kubeegyesa, abamwe nibakoresa obwire bw’okwega bwona kworeka omwegi oku arikubaasa kutebeekanisa