Ebintu ebirikureebwa nibihwera omuntu kuta omutima aha bi arikuba naayega, kandi bimuhwera kwetegyereza n’okuguma naabiijuka. Omwegyesa waitu Orikukirayo, Yehova, akakoresa ebintu ebirikureebwa kubaasa kwegyesa amashomo makuru. (Kut 15:5; Yer 18:1-6) Nikyo kimwe na Yesu Omwegyesa Mukuru. (Mat 18:2-6; 22:19-21) Kimwe aha bintu ebirikureebwa ekibaire eky’omugasho munonga omu myaka egi ni vidiyo. Nooteeraho kukoresa vidiyo waaba nooyegyesa abeegi ba Baibuli?

Vidiyo ikumi zitebeekanisiibwe kutuhwera omu kwegyesa amashomo agari omu katabo Amakuru Marungi Kuruga Ahari Ruhanga! Buri vidiyo eine omutwe ogurikuhikaana na kimwe aha bibuuzo ebiri omu akatabo aka ebiri omu nyuguta ezikwatsire. Akatabo akari aha jw.org nikooreka obu oine kworeka buri vidiyo. Okwongyera ahari ekyo, vidiyo ezindi nizongyerera aha biri omu bitabo bitari bimwe Ebi Turikukoresa Kwegyesa Abantu Baibuli.

Oriyo noohikaanisa ebiteekateeko aha mutwe ogugumiire ou orikwegyesa Baibuli kwetegyereza? Nari aine oburemeezi? Sherura omu vidiyo eziri aha jw.org® na JW Broadcasting® kutunga erikubaasa kumuhwera. Noobaasa kumworeka vidiyo emwe aharizo, reero mugihikaaniseho ebiteekateeko.

Buri kwezi, vidiyo ensya nizishohozibwa. Waaba noozireeba, teekateeka oku orikubaasa kuzikoresa kuhwera abandi.