AHABW’ENKI NI KIKURU: Empumi abaingi tibarikukunda kugamba n’abu batarikumanya. N’ahabw’ekyo, nikyetengyesa kukoresa obwengye kubaasa kubabuurira. Yehova naafayo aha mpumi. (Lev 19:14) Nitubaasa kumutooreza turikuhwera empumi kwega ebirikukwata ahari Yehova.

OKU ORIKUBAASA KUKIKORA:

• ‘Sherura’ empumi. (Mat 10:11) Hariho ou orikumanya orikutuura n’empumi? Ekicweka eki murikubuuriramu harimu eishomero nari ekitongore ekirikureeberera empumi abarikubaasa kuba nibenda ebitabo ebitebeekanisiibwe kuhwera empumi?

• Yoreka ngu noobafaho. Waayoreka ngu noobakunda kandi noobafaho, nikibahwera kwikaikana. Teeraho kugaaniira aha nshonga ei barikukunda

• Bahwere kutunga ebitabo ebiraabahwere kumanya Yehova. Kubaasa kuhwera empumi nari abatarikureeba gye, ekibiina kitebeekaniise ebitabo omu miringo mingi. Mubuuze omuringo ogu arikwenda kwegamu. Omureeberezi orikukora aha by’obuheereza ashemereire kuhamya ngu omuheereza orikukora aha bitabo by’ekibiina yaashaba ebitabo omu muringo ogu empumi barikukunda