Buri mwaka nituteeraho kweta abantu kwija kuba naitwe aha Kiijutsyo. Baingi ahari bo nituba tutarikubamanya. Tushemereire kweta n’abu turikumanya. Abantu abarikutunga kaada y’okubeeta kuruga aha muntu ou barikumanya nibakira kwija. (yb08-E 11 kacw. 3; 14 kacw. 1) Ni baahi obu turikubaasa kweta?

• Abanyabuzaare

• Abu turikukora nabo nari abu turikwega nabo aha ishomero

• Abataahi

• Abu turikugarukira, abu twabaire nitwegyesa Baibuli n’abu turikwegyesa Baibuli hati

Kandi, abareeberezi nibaija kweta abatakibuurira. Ku hakuba hariho omuntu ou orikumanya otarikutuura omu kicweka kyanyu? Noobaasa kumanya eshaaha n’omwanya ahu Ekiijutsyo kiraabe omu kicweka eki arikutuuramu orikuza aha EBIRIKUTUKWATAHO ah’okubandiza aha jw.org, reero osherure “Ekiijutsyo.” Waaba nooyetebeekanisiza Ekiijutsyo ky’omwaka ogu, teekateeka aha bu orikubaasa kweta, reero obeete.