Koora, Dasani, na Abiraamu bakooreka ngu bakaba batahamiire ahari Yehova barikugomera entebeekanisa ye. Yehova akacwekyereza abagomi na boona abaabaire nibabashagika. (Kub 16:26, 27, 31-33) Ni mbeera ki ezirikubaasa kugyeza okuhamira kwaitu ahari Yehova? Ni by’okureeberaho ki ebiri omu Baibuli ebiraatuhwere kwetantara kutooreza abatarikuhamira ahari Yehova?

MUREEBE VIDIYO OTATOOREZA ABATARIKUHAMIRA AHARI YEHOVA, REERO MUGARUKYEMU EBIBUUZO EBI:

• Ni mbeera ki eyaagyerize Nadia, kandi ni ky’okureeberaho ki ekirikurabura ekyamuhwereire kuguma ahamiire ahari Yehova?

• Ni mbeera ki eyaagyerize ow’eishe-emwe owaabaire ahwiremu amaani, kandi ni ky’okureeberaho ki ekirikurabura ekyamuhwereire kuguma ahamiire ahari Yehova?

• Ni mbeera ki eyaagyerize Terrance, kandi ni ky’okureeberaho ki ekirikurabura ekyamuhwereire kuguma ahamiire ahari Yehova?

• Ni mbeera ki eyaagyerize ow’eishe-emwe aha ishomero, kandi ni ky’okureeberaho ki ekirikurabura ekyamuhwereire kuguma ahamiire ahari Yehova?