Okugyezibwa nikubaasa kutumaramu amaani, na munonga kwagumaho kumara obwire buraingwa. Daudi akaba naamanya ngu okugyezibwa kwe okwabaire nikureetwaho Omugabe Saulo kukaba nikuza kuhendera kandi ngu akaba naaza kuba omugabe nk’oku Yehova yaabaire araganiise. (1Sam 16:13) Okwikiriza oku Daudi yaabaire aine kukamuhwera kugumisiriza kandi akategyereza Yehova kuhindura embeera ye.

Twaba nitugyezibwa, nitubaasa kukoresa okwetegyereza, obwengye, nari okuteekateeka kuhindura omu mbeera yaitu. (1Sam 21:12-14; Enf 1:4) Kwonka, okugyezibwa okumwe nikubaasa kugumaho n’obu twakuba nituteeraho kukora byona ebirikuhikaana n’emisingye ya Baibuli. Omu mbeera nk’egyo, nituba twine kugumisiriza kandi tukategyereza Yehova. Omu bwire butari bwa hare naaza kumariraho kimwe okubonabona kwaitu kwona kandi ‘aragaze amarira goona’ aha maisho gaitu. (Kush 21:4) Yaaba tutunga obuhwezi kuruga ahari Yehova nari kuruga ahandi, ekikuru eki turikuhamya n’eki: Okugyezibwa kwona nikwija kuhendera eizooba rimwe. Obuhame obu nibutuhuumuriza.

MUREEBE VIDIYO ABANTU ABAINE OBUMWE OMU NSI EYEBAGANIISEMU, REERO MUGARUKYEMU EBIBUUZO EBI:

• Ni buremeezi ki obu Abakristaayo abamwe omu bukiizi-bwa-buryo bwa United States baatungire?

• Bakooreka bata okugumisiriza na rukundo?

• Bakabaasa bata kuguma bataire omutima aha ‘birikukira’ obukuru?—Fil 1:10