Daudi akasingura Goliasi ahakuba akeesiga Yehova. (1Sam 17:45) Yehova naayenda kworeka amaani ge arikuhwera abaheereza be. (2Bus 16:9) Nitubaasa kwesiga tuta obuhabuzi obu Yehova arikutuha omu mwanya gw’okwesiga obwengye bwaitu? Nitubaasa kukikora omu miringo eshatu egi:

• Shaba obutoosha. Otashaba Yehova kukusaasira bwanyima y’okukora enshobe bwonka kureka mushabe kukuhwera na waagyezibwa kukora ekitahikire. (Mat 6:12, 13) Otashaba Yehova kukuha emigisha bwanyima y’okucwamu bwonka kureka mushabe obuhabuzi n’obwengye otakacwiremu aha ki orikwenda kukora.—Yak 1:5

• Gira entebeekanisa y’okushoma n’okweyegyesa Baibuli obutoosha. Shoma Baibuli buri-izooba. (Zab 1:2) Teekateeka aha by’okureeberaho eby’omu Baibuli, kandi ogyendere aha bi orikwega. (Yak 1:23-25) Tebeekanisiza okubuurira omu mwanya gw’okwesiga oku otwire noobuurira. Gasirwa omu nteerane omu bwijwire orikutebeekanisa ebi murikuza kwega bukiri kare

• Kwatanisa n’ekibiina kya Yehova. Manya obuhabuzi obusya obu ekibiina kya Yehova kirikutuha, kandi orahuke kubukuratira. (Kub 9:17) Hurikiza abareeberezi baha obuhabuzi.—Heb 13:17

MUREEBE VIDIYO TITWINE KUTIINA OKUHIIGANISIBWA, REERO MUGARUKYEMU EBIBUUZO EBI:

• Ab’eishe-emwe na banyaanyazi-itwe bakaba batiinire ki?

• Niki ekyabahwereire kwemera okutiina oku baabaire baine?