Twine vidiyo ina ezi turikukoresa omu kubuurira kuhiga abantu kutandika kwega Baibuli. Mbwenu shi buri vidiyo eine kigyendererwa ki?

• Ahabw’enki Oshemereire Kwega Baibuli?—Vidiyo Yoona ekatebeekanisibwa kuhwera abantu ab’enyikiriza zoona abarikwenda kumanya ebirikukiraho omu Baibuli. Neehiga abantu kusherura omu Baibuli eby’okugarukamu by’ebibuuzo ebikuru kandi omu bugufu neeyoreka eki Baibuli erikwegyesa. Neeshoboorora oku orikubaasa kushaba kwegyesibwa Baibuli.

• Ahabw’enki Oshemereire Kwega Baibuli? (engufu) neeshushana na vidiyo yoona kwonka yo n’ey’edakiika nkye. Ni nungi kukoresa omu bicweka ahu abantu baine obwire bukye bw’okutuhurikiza.

• Niki Ekirikutwarirwa omu Kwegyesibwa Baibuli? neehiga abantu kugirira ekihika entebeekanisa yaitu ey’okwegyesa abantu Baibuli batashashwire kandi neegarukamu ebibuuzo ebi abantu barikukira kubuuza, otwariiremu n’oku orikubaasa kushaba kwegyesibwa Baibuli.

• Nooyakiirwa Kwega Baibuli neeyokworeka abeegi ba Baibuli. N’obu vidiyo egi eraabe eri aha rupapura rwa kabiri omu kitabo Yesiimire Amagara Ebiro Byona! noobaasa kugyoreka omwegi waaba noomwegyesa omu katabo Yesiimire Amagara Ebiro Byona! Vidiyo neeyoreka omu bugufu ebiri omu kitabo eki n’ebi omwegi arikwija kwega.

N’obu buri vidiyo etebeekanisiibwe kugira ekigyendererwa eki yaahikiiriza, noobaasa kucwamu ei oraayorekye nari kwoherereza omuntu kyaba nikyetengyesa. Ababuurizi nibahigwa kumanya gye vidiyo ezi n’okuteeraho kuzikoresa gye omu kubuurira.