Apuri 29–Mei 5
ZAABURI 34-35
Ekyeshongoro 10 n’Okushaba | Ebigambo Ebirikwiguraho Oruteerane (Dak. 1)
1. Himbisa Yehova Obwire Bwona
(Dak. 10)
Daudi akahimbisa Yehova n’obu yaabaire naaraba omu mbeera egumire (Zab 34:1; w07-LU 3/1/07 25 kacw. 11)
Daudi akeehimbisiza omuri Yehova (Zab 34:2-4; w07-LU 3/1/07 26 kacw. 13)
Ebigambo bya Daudi eby’okuhimbisa bikagumya bagyenzi be (Zab 34:5; w07-LU 3/1/07 26 kacw. 15)
Bwanyima ya Daudi kuhunga Abimeleki, abashaija 400 abaabaire batarikukunda obutegyeki bw’Omugabe Saulo, bakamwegaitaho omu ihamba. (1Sam 22:1, 2) Daudi naabaasa kuba nibo yaabaire arikuteekateekaho obu yaahandiika zaaburi egi.—Zaaburi 34, omutwe gw’eshuura egyo.
YEBUUZE OTI: ‘Nimbaasa kuhimbisa nta Yehova haaba haine ou ndikugamba nawe aha ruteerane oruraakurateho?’
2. Eby’omuhendo eby’Omwoyo
(Dak. 10)
-
Zab 35:19—Daudi akaba namanyisa ki obu yaashaba ngu abarikumwanga ‘barekye kumwitiranira amaisho’? (w06-LU 6/1 31-32 kacw. 11)
-
Ni by’omuhendo ki ebi otungire omu kushoma Baibuli okwa saabiiti egi?
3. Okushoma Baibuli
(Dak. 4) Zab 34:1-22 (th eishomo 5)
4. Okutandika Ekigaaniiro
(Dak. 2) OKUBUURIRA KITARAARIIRE. Ekigaaniiro kihendere otakamubuuriire. (lmd eishomo 1 enshonga 4)
5. Okugarukayo
(Dak. 4) OKUBUURIRA KITARAARIIRE. (lmd eishomo 2 enshonga 4)
6. Okushoboorora Enyikiriza Zaawe
(Dak. 5) Eky’okureeberaho. ijwfq 59—Omutwe: Abajurizi ba Yehova Nibamanya Bata Ebiro Bikuru Ebirikwikirizibwa? (th eishomo 17)
Ekyeshongoro 59
7. Emiringo Eshatu y’Okuhimbisa Yehova omu Nteerane
(Dak. 15) Okuhikaanisa ebiteekateeko.
Enteerane z’ekibiina nizitubaasisa kuhimbisa Yehova omu miringo mirungi. Egi n’emiringo eshatu.
Okugaaniira: Gamba aha burungi bwa Yehova waaba noogaaniira n’abandi. (Zab 145:1, 7) Hariho enshonga ekugasiire ei ohuriire nari oshomire? Otungire eky’okureeberaho kirungi omu kubuurira? Haine abakugarwiremu amaani omu bigambo n’ebikorwa byabo? Hariho ekihangirwe eki oreebire kikakushemeza? Ebi byona n’ebiconco kuruga ahari Yehova. (Yak 1:17) Teeraho kuhika omu nteerane bukiri kare kugira ngu obaase kutunga obwire bw’okugamba n’abandi.
Eby’okugarukamu: Teeraho kuha eky’okugarukamu nka kimwe buri ruteerane. (Zab 26:12) Noobaasa kugarukamu orikuhikira aha nshonga erikugarukamu ekibuuzo nari ogambe aha nshonga endiijo, ekyahandiikirwe, ekishushani, nari oku turikubaasa kugyendera aha bi turikwega. Ahabw’okugira ngu n’abandi nibabaasa kwemereza emikono, tebeekanisa eby’okugarukamu bingi. Baingi nibaija kubaasa kuhayo “ekitambo ky’okusiima Ruhanga” twateeraho kugarukamu omu butikitiki 30 nari n’obutabuhitsya.—Heb 13:15.
Ebyeshongoro: Yeshongore ebyeshongoro by’Obukama oine omuhimbo. (Zab 147:1) Noobaasa kutatunga omugisha gw’okugarukamu buri ruteerane, na munonga omu bibiina ebihango, kwonka noobaasa kwejumba butoosha omu kweshongora ebyeshongoro. N’obu waakuba nooteekateeka ngu tori mweshongozi murungi, waateeraho nk’oku orikubaasa, noija kushemeza Yehova. (2Kor 8:12) Noobaasa kwetebeekanisiza okweshongora orikwegyezamu ori omu ka.
Zaana VIDIYO Ebyafayo by’Ekibiina Kyaitu—Ekiconco ky’Ebyeshongoro, Ekicweka 1. Reero obuuze abahurikize oti:
Okuruga ira obu ekibiina kyaitu kyatandika, tukooreka tuta ngu okweshongora eby’okuhimbisa Yehova ni kikuru munonga?
8. Okwega Baibuli okw’Ekibiina
(Dak. 30) lvs eshu. 8 rup. 114-117 Emisingye ya Baibuli
