Okuhana nikumanyisa okuha obuhabuzi, n’okwegyesa, kandi nikutwariramu okuhabura n’okufubira. Yehova naatuhana kugira ngu tubaase kumuramya omu muringo ogu arikusiima. (Rom 12:1; Heb 12:10, 11) Obumwe, okuhana nikubaasa kutusaasa, kwonka nikutureetera kutunga emigisha n’okukora ebihikire. (Enf 10:7) Abarikuhana n’abarikuhanwa bashemereire kwijuka ki?

Abarikuhana. Abareeberezi, abazaire n’abandi nibateeraho kuhana omu muringo gw’embabazi na rukundo barikutooreza Yehova. (Yer 46:28) Kandi n’okuhana kw’amaani kushemereire kuheebwa omu muringo gwa rukundo kandi ogurikuhikaana n’embeera.​—Tit 1:13.

Orikuhanwa. N’obu twakuhanwa mu muringo ki, tushemereire kukwikiriza tukateeraho kugyendera aha buhabuzi ahonaaho. (Enf 3:11, 12) Ahabw’okugira ngu tituhikiriire, twena nitwetenga okuhanwa, oku turikuheebwa omu miringo etari emwe. Nitubaasa kuhanwa ebi turikushoma omu Baibuli nari ebi turikuhurira omu nteerane. Nari abamwe nibeetenga okuhanwa kw’akakiiko k’orubanja. Twikiriza okuhanwa kandi tukakugyenderaho nitugira amagara marungi kandi nitwija kugumaho ebiro byona.​—Enf 10:17.

MUREEBE VIDIYO OU YEHOVA AKUNDA NIWE AHANA, REERO MUGARUKYEMU EBIBUUZO EBI:

• Canon akaba ari mu mbeera ki obu yaabaire akiri muto, kwonka embeera zikahinduka zita?

• Akatunga kuhanwa ki kuruga ahari Yehova?

• Nitwegyera ki aha ky’okureeberaho eki?