Ahabw’okugira ngu tituhikiriire, twine kuguma nituteeraho kurinda ebyetengo byaitu. Twakora buri kimwe eki turikwenda, Yehova naabaasa kurekyera aho kutusiima. Nk’eky’okureeberaho, abamwe nibakunda munonga eby’okurya, ebijwaro, n’oburaaro okukira oku barikukunda Ruhanga. Abandi nibahenda emitindo ya Ruhanga kubaasa kwigutsya ekyetengo kyabo ky’okuteerana. (Rom 1:26, 27) Abandi nibaikiriza bagyenzi baabo kubagyemesereza kukora ekigwire ahabw’okwenda ngu bagyenzi baabo babakunde.—Kur 23:2.

Nitubaasa kurinda tuta ebyetengo byaitu? Twine kukora kyona eki turikubaasa kuta omutima aha birikushemeza Yehova. (Mat 4:4) Twine kweshengyereza Yehova kutuhwera kutaikiriza ebyetengo byaitu kututegyeka. Ahabw’enki? Ahabw’okuba naamanya ekirikubaasa kutugasira n’oku arikubaasa kuhaazya ebyetengo byaitu ebirungi.—Zab 145:16.

MUREEBE VIDIYO OTASHIISHA AMAGARA GAAWE ORIKUREETSA, REERO MUGARUKYEMU EBIBUUZO EBI:

• Ahabw’enki abantu abamwe nibareetsa?

• Noobaasa kutunga bureemezi ki ahabw’okureetsa?

• Ahabw’enki okureetsa ni kubi?—2Kor 7:1

• Noobaasa kworeka ota ngu torikwenda kureetsa nari nooyenda kureka omuze gw’okureetsa?