Abeegi ba Baibuli kubaasa kushemeza Ruhanga, baine kugira okwikiriza kuhami. (Heb 11:6) Nitubaasa kubahwera kugira okwikiriza kuhami turikukoresa ekitabo Yesiimire Amagara Ebiro Byona! Ekitabo eki kirimu ebyahandiikirwe ebikuru, enshonga nkuru, ebibuuzo, vidiyo, n’ebishushani birungi. Twahwera abeegi ba Baibuli kugira emitwarize y’Ekikristaayo n’omukago murungi na Ruhanga, nikyoreka ngu nitukoresa ebitarikwokibwa muriro.—1Kor 3:12-15.

Abantu abamwe nikibagumira kuteekateeka ngu nibabaasa kuba banywani ba Ruhanga, ou batarikureeba. N’ahabw’ekyo nituba twine kubahwera kumanya Yehova kandi bakamwesiga.

MUREEBE VIDIYO YOMBEKA OKWIKIRIRIZA KWAWE OMURI YEHOVA, ORIKUKORESA “YESIIMIRE AMAGARA EBIRO BYONA!” REERO MUGARUKYEMU EBIBUUZO EBI:

• Nitumanya tuta ngu munyaanyazi-itwe akatebeekanisa gye kwegyesa omwegi?

• Akakoresa gye ata ebibuuzo ebindi kuhwera omwegi kugamba eki arikuteekateeka nari oku arikwehurira aha biri omu Isaaya 41:10, 13?

• Vidiyo n’ebyahandiikirwe bikakwata bita aha mwegi?

Abantu baingi tibarikwetegyereza ekitambo, nari tibarikukireeba nk’ekiconco eki Ruhanga yaahaireyo ahabwabo. (Gal 2:20) N’ahabw’ekyo, twine kubahwera kwikiririza omu kitambo kya Yesu.

MUREEBE VIDIYO YOMBEKA OKWIKIRIRIZA KWAWE OMURI YESU, ORIKUKORESA “YESIIMIRE AMAGARA EBIRO BYONA!” REERO MUGARUKYEMU EBIBUUZO EBI:

• Nitumanya tuta ngu ow’eishe-emwe akatebeekanisa gye kwegyesa omwegi?

• Akakoresa gye ata ebiri omu kicweka “Jumbura Ebindi” kuhwera omwegi?

• Ahabw’enki okushaba n’omwegi kiri kukuru?