Baibuli ekwatsirwe omu maraka neeha? Ni Baibuli ekwatsirwe omu maraka eya New World Translation ehindwirwemu. Neeshohozibwa mporampora omu ndimi nyingi nk’oku kirikubaasika. Ekintu kimwe eky’omutaano omu Baibuli egi n’okugira ngu neekoresa amaraka gatari gamwe kujwekyera abarikugambwaho. Ebigambo nibishomwa omu muringo oguhikire, kandi barikwihayo enyehurira kubaasa kwihayo gye obutumwa bw’omu Baibuli.

Abamwe nibagasirwa bata omu Baibuli ekwatsirwe omu maraka? Baingi abarikukira kuhurikiza Baibuli ekwatsirwe omu maraka nibakunda oku erikubahwera kureeba Ekigambo kya Ruhanga nk’ekyabuzima. Nibareeba ngu buri eiraka eririkukoresibwa aha muntu orikugambwaho omu Baibuli, niribahwera kutunga ekishushani ekihikire n’okwetegyereza gye ebihandiikirwe. (Enf 4:5) Baingi beetegyereize ngu okuhurikiza Baibuli ekwatsirwe omu maraka nikibahuumuriza baaba baine amaganya.—Zab 94:19.

Okuhurikiza Ekigambo kya Ruhanga kirikushomwa omu eiraka ririkuhurirwa nikibaasa kutukwataho omu muringo gw’omutaano. (2Bus 34:19-21) Haaba hariho Baibuli ekwatsirwe omu maraka yaaba yoona nari omu bicweka omu rurimi oru orikwetegyereza, noobaasa kutaho entebeekanisa y’okugihurikiza obutoosha?

MUREEBE VIDIYO OKUSHOHOZA BAIBULI EKWATSIRWE OMU MARAKA—EKICWEKA KYA VIDIYO, REERO MUGARUKYEMU EKIBUUZO EKI:

Niki ekirikukushemeza aha ku kushohoza Baibuli ekwatsirwe omu maraka?