TEERAHO KWEJUMBA OMU KUBUURIRA | YONGYERA KUTUNGA OKUSHEMERERWA OMU BUHEEREZA BWAWE
Yegyesa Abeegi ba Baibuli Kwega Kweyegyesa
Abeegi ba Baibuli kubaasa kumanya Yehova kandi bakatunguuka omu by’omwoyo baine kwega ebirikukira aha bi orikubeegyesa. (Mat 5:3; Heb 5:12–6:2) Baine okwega kweyegyesa.
Kuruga aha kutandika, yoreka ou orikwegyesa Baibuli oku arikubaasa kutebeekanisa ebi arikuza kwega kandi muhige kukikora. (mwb18.03 6) Muhige kushaba burikuza kweyegyesa. Muhwere kutunga ebi turikukoresa ebiri aha byoma kandi abikorese omu kweyegyesa. Mugambire oku arikubaasa kutunga ebisya ebiri aha jw.org na JW Broadcasting®. Mporampora mwegyese kushoma Baibuli buri izooba, kutebeekanisiza enteerane, n’okusherura eby’okugarukamu by’ebibuuzo ebi arikuba aine. Muhwere kuteekateeka aha bi arikwega.
MUREEBE VIDIYO HWERA ABU ORIKWEGYESA BAIBULI KWEGA KWEYEGYESA BAIBULI, REERO MUGARUKYEMU EBIBUUZO EBI:
-
Neeta akahwera ata Jade kumanya ngu okwega nikikira aha kumanya eby’okugarukamu?
-
Niki ekyahwereire Jade kwetegyereza ahabw’enki Yehova arikwanga obushambani?
-
Hwera ou orikwegyesa Baibuli kwega kweyegyesa n’okugyendera aha bi arikwega
Jade akeetegyereza ki aha bikwatiraine n’okuteekateeka?
