Yehova naatuha enteerane z’okuza omu kubuurira n’enteerane ezindi kutubaasisa kwezirikisana kukundana n’okukora ebirungi. (Heb 10:24, 25) Zishemereire kuba ziri ahagati y’edakiika itaano na mushanju, otwariiremu n’okutebeekanisa oku ab’eishe-emwe baraakore hamwe, ahu barabuurire, n’okushaba. (Oruteerane rwabaho bwanyima y’oruteerane orundi, rushemereire kumara edakiika nkye munonga.) Orikurwebembera ashemereire kutebeekanisa ekintu ekiraahwere abaraayejumbe omu kubuurira aha izooba eryo. Nk’eky’okureeberaho, aha Rwamukaaga obu ababuurizi baingi barikuba bateejumbire omu kubuurira omu saabiiti egyo, nikiba kiri kirungi kugamba aha bi baraagambeho. Ni bintu ki ebimwe ebirikubaasa kubagasira ebi orikubaasa kugambaho?

• Enyanjura eziri omu Obuheereza Bwaitu N’oku Turikutwaza—Akatabo k’Okukoresa

• Oku orikubaasa kukoresa ebiri omu makuru kutandika kugaaniira n’abantu

• Oku orikubaasa kugarukamu omuntu yaagamba eki baingi barikukira kwekwatsa omu kicweka kyanyu

• Oku orikubaasa kugarukamu omuntu otarikwikiririza omuri Ruhanga, orikwikiriza ngu ebintu bikabaho birikuruga omu bindi, nari ori omu diini erimu abantu bakye omu kicweka kyanyu

• Oku orikubaasa kukoresa ebiri aha mukura gwaitu jw.org nari JW Library^® app

• Oku orikubaasa kukoresa ebiri omu by’Okukoresa omu Kwegyesa

• Oku orikubaasa kubuurira orikukoresa emiringo etari emwe, nk’okukoresa esimu, okuhandiika amabaruha, nari okubuurira omu myanya erimu abantu baingi, okugarukira abantu, nari okwegyesa abeegi ba Baibuli

• Okwijukibwa ebirikukwata aha kwerinda, okukora empindahinduka, okutwaza gye, okugira emiteekateekyere mirungi, nari enshonga endiijo

• Eishomo nari vidiyo kuruga omu katabo Ba Omweziriki omu Kushoma N’omu Kwegyesa

• Oku orikubaasa kuhiga kandi okahwera ou orikubuurira nawe

• Ekyahandiikirwe ekirikukwata aha kubuurira nari eky’okureeberaho kirungi