Banyaanyazi-itwe nibakora bingi kushagika omurimo gw’Obukama. (Zab 68:11) Nibeegyesa abeegi ba Baibuli baingi kandi baapayoniya abaingi ni banyaanyazi-itwe. Banyaanyazi-itwe baingi nibaheereza aha Beseeli, nk’abamiisani, nk’abavunuuzi, nari nibahwera omu kwombeka. Banyaanyazi-itwe abakuzire omu bw’omwoyo nibahwera ab’omu maka gaabo n’ab’omu kibiina. (Enf 14:1) N’obu banyaanyazi-itwe baraabe batarikubaasa kuheereza nk’abareeberezi nari abaheereza, nibabaasa kweteeraho ebigyendererwa by’omwoyo. Waaba ori munyaanyazi-itwe, noobaasa kwongyera ota aha buheereza bwawe?

• Teeraho kugira emitwarize y’Ekikristaayo.—1Tim 3:11; 1Pet 3:3-6

• Hwera banyaanyazi-itwe abandi abato omu by’omwoyo.—Tit 2:3-5

• Teeraho kwongyera aha bwire obu orikumara omu kubuurira kandi oyongyere kubuurira gye

• Yega orurimi orundi

• Za kuhwera ahu ababuurizi barikwetengwa munonga

• Ijuza foomu y’okuza kuhwera aha Beseeli nari omu kwombeka ebyombeko by’Obukama

• Ijuza foomu y’okuza omu Eishomero ry’Ababuurizi b’Obukama

MUREEBE VIDIYO ABAKAZI ABARIKUKORA N’AMAANI OMURI MUKAMA, REERO MUGARUKYEMU EKIBUUZO EKI:

• Ebi buri munyaanyazi-itwe yaagamba byakuhiga bita?