34:5-7

Ahabw’okugira ngu Musa akeetegyereza emitwarize ya Yehova, akabaasa kugumisiririza Abaisraeli. Nikyo kimwe naitwe, twayongyera kwetegyereza emitwarize ya Yehova, nitwija kutwariza ab’eishe-emwe bagyenzi baitu omu muringo gw’esaasi.

• Aine esaasi “n’embabazi”: Yehova naareeberera abaheereza be omu muringo gwa rukundo kandi naabafaho, nk’oku abazaire barikureeberera abaana baabo

• ‘Tarikurahuka kugira ekiniga’: Yehova naagumisiriza abaheereza be, naabagumisiriza ku barikukora enshobe kandi naabaha obwire kukora empindahinduka

• Aine rukundo etarikuhwaho: Yehova ainiire abaheereza be rukundo etarikuhwaho

YEBUUZE OTI: ‘Nimbaasa kutooreza nta Yehova omu kugira embabazi n’esaasi?’