EBI ABAKRISTAAYO TWINE KUKORA
Okwongyera Kubuurira Gye —Higa Abarikwenda Kumanya Ebirikukiraho Kwija Nteerane
AHABW’ENKI NI KIKURU: Enteerane nizitubaasisa ‘kweshongorera’ Yehova kandi ‘tukamuhimbisa.’ (Zab 149:1) Omu nteerane, nitwegyesibwa kukora ebi Ruhanga arikukunda. (Zab 143:10) Abarikwenda kumanya ebirikukiraho n’abeegi ba Baibuli nibakira kweyongyera kutunguuka baatandika kwija omu nteerane.
OKU TURIKUBAASA KUKIKORA:
-
Oteziringa kumweta omu nteerane. Toine kutegyereza kubanza waatandika kumwegyesa Baibuli.
—Kush 22:17 -
Shoboororera omuntu oku enteerane zitebeekanisiibwe n’eki murikuza kwegaho omu ruteerane. Ebi nibibaasa kukuhwera omu kukora ekyo: akapapura k’okweta abantu omu nteerane, vidiyo Niki Ekirikukorerwa aha Kyombeko ky’Obukama?, na eishomo rya 5 na 7 omu katabo Abarikukora Ebi Yehova Akunda
-
Mushabe Kumuhwera. Orikwenda kumanya ebirikukiraho naayetenga okumwakiira kwija omu nteerane nari kumanya oku aine kujwara yaaba naija omu nteerane? Shutama nawe omu nteerane, kandi omworekye ebi murikwega. Mwanjurire abandi