Okugamba Munonga: Otakaateekateeka ngu oine kushoboorora buri kimwe. Yesu akakoresa ebibuuzo kuhwera abantu kuteekateeka n’okuhika aha kumanya ekihikire. (Mat 17:24-27) Ebibuuzo nibireetera okwega kubamu omuhimbo n’okumanya yaaba omwegi naayetegyereza ebi arikwega kandi yaaba nabaikiriza. (be-E 253 kacw. 3-4) Waabuuza ekibuuzo, gumisiriza kandi otegyereze agarukyemu. Omwegi yaagarukamu ekigwire, omu mwanya gw’okumugambira eky’okugarukamu, koresa ebibuuzo ebindi kumuhwera kuhika aha kumanya ehikire. (be-E 238 kacw. 1-2) Gamba mporampora kubaasisa omwegi kwetegyereza enshonga nsya.—be-E 230 kacw. 4.

Okwegyesa omu Muringo Gugumire: Yetantare kugambira ou orikwegyesa byona ebi orikumanya ebirikukwata aha ki murikwegaho. (Yoh 16:12) Ta omutima aha nshonga enkuru omu kacweka aku murikwega. (be-E 226 kacw. 4-5) Enshonga nyingi, nangwa n’obu zaakuba ziri nungi, nizibaasa kushweka enshonga enkuru. (be-E 235 kacw. 3) Omwegi yaaheza kwetegyereza enshonga enkuru, za aha kacweka akarikukurataho.

Okurahukiiriza omu Kwegyesa: Ekigyendererwa ekikuru n’okuhika aha mutima gw’ou orikwegyesa, beitu kutari kurahukiiriza kuheza ebi orikumwegyesa. (Luk 24:32) Koresa amaani g’Ekigambo kya Ruhanga orikuta omutima aha byahandiikirwe ebikuru omu ishomo eri orikumwegyesa. (2Kor 10:4; Heb 4:12; be-E 144 kacw. 1-3) Koresa eby’okureeberaho ebyorobi. (be-E 245 kacw. 2-4) Teekateeka aha bi omwegi erikwikiriza, embeera ze reero obihikaanise n’ebi orikumwegyesa. Mubuuze ebibuuzo nka: “Nooteekateeka ki aha bi oriyo nooyega?” “Ebi nibitwegyesa ki ahari Yehova?” “Noogasirwa ota waagyendera aha buhabuzi obu twareeba?”—be-E 238 kacw. 3-5; 259 kacw. 1.