6:9-11, 25-27, 54, 66-69

Yesu ku yaakoreise eky’okureeberaho ekyagumiire abeegi be kwetegyereza, bamwe aharibo bakateerwa entsibo kandi bareka kugyenda nawe. Ekyo kitakabaireho, Yesu akaba aherize kuriisa abantu baingi omu muringo gurikutangaaza, ekyahamize ngu amaani ge gakaba nigaruga ahari Ruhanga. Ahabw’enki baateirwe entsibo? Bakakuratira Yesu ahabw’okweyendeza. Bakaba nibenda kuba na Yesu ahabw’okwenda kutunga ebintu.

Buri omwe ahariitwe aine kwebuuza ati: ‘Ahabw’enki ninkuratira Yesu? N’ahabw’emigisha ei ndikutunga hati nari ei ndatungye omu biro by’omumaisho? Nari n’ahabw’okugira ngu ninkunda Yehova kandi niinyenda kumushemeza?’

Ahabw’enki turikubaasa kuteerwa entsibo twayebembeza enshonga ezi omu kuheereza Yehova?

• Nitukunda kuba n’abaheereza be

• Nitwenda kutuura omu Paradiso