Ah’okubanza aha mukuru gwaitu hariho ebicweka na vidiyo ezitebeekanisiibwe kushemeza abantu abaine emitima mirungi abatari Bajurizi ba Yehova. (Byak 13:48) Nihakira kushoboorora emitwe erikuba eri omu makuru nari ebi abantu barikuteekateekaho n’ebi barikugambaho.

Noobaasa kukoresa ota ebiri ah’okubanza aha jw.org omu kubuurira?

• Reeba ebiri aha mukura obutoosha. Yetegyereze ebisya ebiriho, kandi oteekateeke aha ku orikubaasa kubikoresa kuhwera abarikwenda kumanya amazima. Okuguma noomanya ebisya ebiri aha mukura nikiza kukuhwera kutunga enshonga nsya ez’okugambaho omu kubuurira.

• Koresa ebicweka na vidiyo eziri ah’okubanza aha mukura kutandika kugaaniira n’abantu. Ebicweka ebi na vidiyo nibibaasa kutuhwera kumanya eki abantu barikuteekateekaho omu kicweka kyaitu.

• Yoreka abantu ebiri ah’okubanza aha mukura. Yoreka omuntu emitwe emwe eriho, kandi omuhwere kumanya oku arikubaasa kutunga ebindi aha mukura.

• Yohereza linki. Abantu abamwe tibarikwenda kugamba naitwe butunu, kwonka nibabaasa kuza aha mukura gwaitu. N’ahabw’ekyo oteeziringa kwoherereza abarikwenda kumanya ebirikukiraho linki erikubatwara ah’okubanza aha mukura nari ey’ekicweka nari eya vidiyo eziriho.