EBI ABAKRISTAAYO TWINE KUKORA

Hwera Abataine Diini Kumanya Omuhangi Waabo

TANDIKA

Nootiina kubuurira abantu abataine diini, orikuteekateeka ngu tibarahurikize? Kyaba nikwo kiri, ijuka ngu abantu baingi abaabaire bataine diini otwariiremu n’abatarikwikiriza ngu Ruhanga ariho, bahindukire Abajurizi ba Yehova. Obwire obwingi nibaba nibenda kuhwerwa kubaasa kushwijuma obuhame oburikworeka ngu Ruhanga ariho.—Rom 1:20; 10:14.

REEBA VIDIYO IJUKA—ABARIKUBA BATAINE KWIKIRIZA NIBABAASA KUKUGIRA!—ABATAINE DIINI, REERO MUGARUKYEMU EKIBUUZO EKI:

Eky’okureeberaho kya Tommaso nikikuhwera kita kugira emiteekateekyere mirungi aha kubuurira abataine diini?

Eky’okugarukamu kyawe

Oku orikubaasa kukikora

Omuntu yaagira ngu tarikwikiririza omuri Ruhanga, mugambire omu muringo murungi kandi ogw’obwengye, mworekye ngu buzima noofayo aha ku arikwehurira aha nshonga. (2Tim 2:24) Gamba aha bintu ebirikubaasa kumushemeza. Naayenda kugaaniira aha buhame obuhwereire baingi kwikiririza omu Muhangi? Kyaba nikwo kiri, koresa ebitabo na vidiyo ebirikushoboorora enshonga egyo. Akatabo Was Life Created? na Obukomooko bw’Amagara—Ebibuuzo Bitaano Ebihikire Kubuuzibwa bwongyeirwe omu bi Turikukoresa omu Kwegyesa kugira ngu turahuke kubutunga.

Omu kubanza noobaasa kutiina kubuurira abatarikwiririza omuri Ruhanga amazima. Shaba omubuurizi oine obukugu kukuhwera. Ijuka ngu, Yehova naabaasa kukuhwera kuhika aha mitima yaabo abaine ekihika ky’okumanya amazima n’obu omu kubanza batarikwikiriza ngu Ruhanga ariho.—Byak 13:48.

OBUHEEREZA N'OKU TURIKUTWAZA–AKATABO K'OKUKORESA