Abantu baingi baine emiteekateekyere mibi aha baine obushoboorozi. Nitubaasa kwetegyereza ahabw’enki. Ebyafaayo nibyoreka ngu abantu batwire nibakoresa kubi obushoboorozi bwabo kwegasira bonka. (Mik 7:3) Ka nitusiima munonga kureeba ngu abareeberezi omu kibiina batendekirwe kukoresa gye obushoboorozi bwabo kugasira abaheereza ba Yehova.—Est 10:3; Mat 20:​25, 26.

Okutaana aha baine obushoboorozi omu nsi egi, abareeberezi nibahikiiriza obujunaanizibwa bwabo ahabw’okugira ngu nibakunda Yehova n’abantu be. (Yoh 21:16; 1Pet 5:​1-3) Abariisa aba nibagyendera aha buhabuzi bwa Yesu, barikuhwera buri mubuurizi kwehurira aikaikaine omu ka ya Yehova n’okuguma haihi na Yehova. Nibarahuka kugumya entaama za Yehova omu by’omwoyo kandi nibahwera hayetengyesa obujanjabi obw’ahonaaho nari haabaho ekihikiirizi. Waaba nooyenda obuhwezi, ahabw’enki otari kukyehabura okamanyisa omureeberezi omu kibiina kyanyu?—Yak 5:14.

MUREEBE VIDIYO ABARIISA ABARIKUFAYO AHA NTAAMA, REERO MUGARUKYEMU EBIBUUZO EBI:

• Mariana akagasirwa ata omu buhwezi obu abareeberezi baamuhaire?

  Eky’okugarukamu kyawe

• Elias akagasirwa ata omu buhwezi obu abareeberezi baamuhaire?

  Eky’okugarukamu kyawe

• Bwanyima y’okureeba vidiyo egi nooyehurira ota aha mirimo ei abareeberezi barikukora?

  Eky’okugarukamu kyawe