Okitoba 7-13
ZAABURI 92-95
Ekyeshongoro 84 n’Okushaba | Ebigambo Ebirikwiguraho Oruteerane (Dak. 1)
1. Okuheereza Yehova Nikyo Kirikukirayo Oburungi!
(Dak. 10)
Yehova niwe tushemereire kuramya (Zab 92:1, 4; w18.04 28 kacw. 5)
Naahwera abaheereza be kucwamu gye n’okutunga okushemererwa (Zab 92:5; w18.11 23 kacw. 8)
Naatwara abarikumuheereza nangwa n’omu myaka y’abo ya bukuru nk’ab’omuhendo (Zab 92:12-15; w20.01 19 kacw. 18)
YEBUUZE OTI: ‘Niki ekirikundemesa kwehayo ahari Yehova kandi nkabatizibwa?’
2. Eby’omuhendo eby’Omwoyo
(Dak. 10)
-
Zab 92:5—Ebigambo ebi nibyoreka gye bita obwengye bwa Yehova? (cl-LU 176 kacw. 18)
-
Ni by’omuhendo ki ebi otungire omu kushoma Baibuli okwa saabiiti egi?
3. Okushoma Baibuli
(Dak. 4) Zab 94:1-23 (th eishomo 5)
4. Okutandika Ekigaaniiro
(Dak. 4) OKUBUURIRA KITARAARIIRE. Sherura oburyo bw’okugambira omuntu aha murimo ogu orikukora ogw’okwegyesa abantu Baibuli. (lmd eishomo 5 enshonga 3)
5. Okugarukayo
(Dak. 3) OKUBUURIRA KITARAARIIRE. Shaba kwegyesa orikwenda kumanya ebirikukiraho owaabaire yaayangire kwega enyima. (lmd eishomo 8 enshonga 4)
6. Okuhindura Abantu Abeegi
(Dak. 5) Okuhikaanisa ebiteekateeko n’omwegi wa Baibuli otarikutunguuka. (lmd eishomo 12 enshonga 5)
Ekyeshongoro 5
7. Abato Baarengwa Amaganya
(Dak. 15) Okuhikaanisa ebiteekateeko.
Abarikuheereza Yehova n’abo nibahikwaho amaganya. Nk’eky’okureeberaho, Daudi akagira amaganya emirundi mingi, kandi nikyo kimwe n’ab’eishe-emwe baingi obunaku obu. (Zab 13:2; 139:23) Eky’obusaasi, n’abato nibagira amaganya. Obumwe, amaganya nigabaasa kureetera ebintu ebi turikukora obutoosha, nk’okuza aha ishomero nari omu nteerane z’ekibiina, kureebeka nk’ebigumire. Nigabaasa n’okureetera omuntu kukangarana nari kugira ebiteekateeko by’okweita.
Abato, mwagira amaganya gakabarenga, mugambire abazaire baanyu nari omuntu okuzire. Mushabe Yehova kubahwera. (Fil 4:6) Naija kubahwera. (Zab 94:17-19; Isa 41:10) Yetegyereze eky’okureeberaho kya Steing.
Zaana VIDIYO Yehova Akanfaho. Reero obuuze abahurikiize oti:
• Ni Kyahandiikirwe ki ekyahweraire Steing, kandi ahabw’enki?
• Yehova akamufaho ata?
Abazaire, nimubaasa kuhwera abaana baanyu kwemera amaganya murikubahurikiza gye, murikubooreka ngu nimubakunda, kandi murikubahwera kugira obwesigye omuri rukundo ya Yehova. (Tit 2:4; Yak 1:19) Mwesigye Yehova kubaha okuhuumurizibwa n’amaani agu murikwetenga kuhwera abaana baanyu.
Nitubaasa kutamanya obu omuntu omu kibiina aine amaganya mingi nari kwetegyereza oku arikwehurira. Kwonka, nitubaasa kuhwera turikureetera buri omwe omu kibiina kwehurira ngu naakundwa kandi naayakiirwa.—Enf 12:25; Heb 10:24.
8. Okwega Baibuli okw’Ekibiina
(Dak. 30) lvs eshu. 15 kacw. 1-13
