Heereza Yehova, Ruhanga ow’Obusingye
‘Ahu omwoyo gwa Mukama ari, niho obusingye buri.’—2 ABAKORINSO 3:17.
EKYESHONGORO: 11, 137
1, 2. (a) Ahabw’enki omu biro by’entumwa Paulo, abantu baabaire nibafayo munonga aha buhuuku n’okugira obugabe? (b) Paulo akagira ngu n’oha obukomooko bw’obugabe obwabuzima?
ABANTU ba Rooma ei Abakristaayo aba ira baabaire nibatuura, bakaba nibeemanya ngu nibo baine ebiragiro, oburingaaniza, n’obugabe. Kwonka Abarooma abo bakaba nibeesiga abahuuku kukora emirimo mingi eyaabaire egumire. Hariho obwire obu abantu 30 ahari 100 baabaire bari abahuuku omu butware bwa Rooma. Buzima, obuhuuku n’obugabe zikaba ziri enshonga zirikumanywa abantu ba butoosha otwariiremu n’Abakristaayo.
2 Ebaruha ezi Paulo yaahandiikire nizigamba munonga aha kugira obugabe. Kwonka akaba atarikuteeraho kwihayo oburemeezi bw’ensi egi, eki abantu baingi obunaku obwo baabaire nibenda kukora. Omu mwanya gw’ekyo, Paulo n’Abakristaayo abandi bakateeraho munonga kwegyesa abantu amakuru marungi g’Obukama bwa Ruhanga n’okubahwera kwetegyereza oku ekitambo kya Kristo Yesu kyabaire 2 Abakorinso 3:17.
kiri eky’omuhendo. Paulo akagambira Abakristaayo abandi obukomooko bw’obugabe obwabuzima. Akahandiika ati: ‘Ahu omwoyo wa Mukama ari, niho obusingye buri.’—3, 4. (a) Paulo akashoboorora ahari ki omu mishororongo erikubandiza 2 Abakorinso 3:17? (b) Twine kukora ki kubaasa kugira obugabe oburikuruga ahari Yehova?
3 Omu baruha ya kabiri ei Paulo yaahandiikire Abakorinso, akagamba ekyahikire ahari Musa obu yaaruga aha Rushozi Sinai bwanyima y’okuruga kugamba na maraika wa Yehova. Akaba naamurinkana aha maisho ge! Abaisraeli ku baareebire Musa, baatiina, n’ahabw’ekyo akeetwekyerera aha maisho. (Okuruga 34:29, 30, 33; 2 Abakorinso 3:7, 13) Paulo akashoboorora ati: “Kwonka omuntu ku ahindukira Mukama, eky’okwetwekyerera ekyo kihwaho.” (2 Abakorinso 3:16) Paulo akaba naamanyisa ki?
4 Omu kicweka ekihwaire twegire ngu Omuhangi waitu Yehova niwe oine obugabe obutaine bugarukiro. N’ahabw’ekyo nikikora amakuru kugira ngu ahu omwoyo gwa Yehova guri nihaba hariho obusingye nari obugabe. Kwonka Paulo akagira ngu twaba nitwenda kutunga obugabe obwo, twine kugarukira Yehova. Eki nikimanyisa ngu twine kugira omukago murungi nawe. Abaisraeli obu baabaire bari omu ihamba bakaba nibareeba enshonga omuringo gw’obuntu, gutari gwa Yehova. Okaba nooshusha ngu haine ekishwekire ebiteekateeko n’emitima yaabo. Bakaba nibenda kukoresa obugabe bwabo busya kwigutsa ebyetengo byabo.—Abaheburaayo 3:8-10.
Nangwa n’omuntu ori omu kihome naabaasa kutunga obugabe
5. (a) Omwoyo gwa Yehova nigutuha bugabe ki? (b) Nitumanya tuta ngu omuntu ori omu kihome nari omuhuuku naabaasa kugira obugabe obu Yehova arikuha? (c) Ni bibuuzo ki ebi twine kugarukamu?
5 Obugabe obu omwoyo gwa Yehova gurikutuha nibukira obugabe obu turikutunga twaruga omu buhuuku. Omwoyo gurikwera nigureeta obugabe oburikukirira kimwe obu abantu barikubaasa kureetaho. Nibutubaasisa kuruga omu buhuuku bw’ekibi n’okufa, n’obuhuuku bw’ediini z’ebishuba n’emigyenzo yaazo. (Abarooma 6:23; 8:2) Obugabe obu ka nibushemeza! Nangwa n’omuhuuku nari ori omu kihome naabaasa kutunga obugabe obu. (Okutandika 39:20-23) Ow’eishe-emwe Eric Frost na Harold King buri omwe akamara emyaka akomirwe ahabw’okwikiriza kwe, kwonka nabwo bakaguma baine obugabe obu. Noobaasa kubareeba aha JW Library barikugamba aha byabahikireho. (Za aha INTERVIEWS AND EXPERIENCES > ENDURING TRIALS.) Hati ka tugarukyemu ebibuuzo bibiri. Nitubaasa kworeka tuta ngu obugabe bwaitu n’obw’omuhendo munonga ahariitwe? Kandi nitubaasa kubukoresa tuta omu muringo murungi?
OBUGABE OBU RUHANGA ARIKUTUHA N’OBW’OMUHENDO MUNONGA
6. Abaisraeli bakooreka bata ngu tibarikusiima obugabe obu Yehova yaabaire abahaire?
6 Twatunga ekiconco ky’omuhendo, nitusiima omuntu owaakituha. Kwonka Abaisraeli Okubara 11:5, 6, 10; 14:3, 4) Eki nikitwegyesa eishomo rikuru.
tibarasiimire Yehova ahabw’okubaha obugabe. Bwanyima y’ameezi makye Yehova aherize kubaiha omuri Misri, bakatandika kwegomba eby’okurya n’eby’okunywa ebi baabaire baine Misri. Bakatandika kwetomboitera Yehova ahabw’emaanu ei yaabaire naabaha. Nangwa bakaba nibenda n’okugaruka Misri! Aharibo, ‘eby’enyanja, emyongo, ebihaaza, obutunguru, na katunguricumu’ bikaba biri bikuru munonga kukira obugabe bw’okuramya, obu Yehova yaabaire abahaire. Tikirikutangaaza kureeba ngu Yehova akabagirira ekiniga. (7. Paulo akagyendera ata aha buhabuzi bwe oburi omu 2 Abakorinso 6:1, kandi naitwe nitubaasa kubugyenderaho tuta?
7 Paulo akarabura Abakristaayo boona kutahinduka abatarikusiima obugabe obu Yehova yaatuhaire kurabira omu Mwana we Yesu, Kristo. (Shoma 2 Abakorinso 6:1.) Paulo akaba atahikiriire, akaba ari omuhuuku w’ekibi n’okufa, kandi eki kikamureetera kwehurira kubi. Kwonka nabwo, akagira ati: “Ruhanga asiimwe, ahabwa Yesu Kristo Mukama waitu!” Ahabw’enki yaagambire atyo? Paulo akashoboororera Abakristaayo bagyenzi be ati: ‘Ahakuba ekiragiro ky’omwoyo gw’amagara agari omuri Kristo Yesu kikankomoorora kutategyekwa ekiragiro eky’ekibi n’okufa.’ (Abarooma 7:24, 25; 8:2) Nka Paulo, titushemereire kwebwa ngu Yehova atuhaire obugabe bw’okuruga omu buhuuku bw’ekibi n’okufa. Ekitambo nikitubaasisa kuheereza Ruhanga twine omuntu w’omunda omurungi, kandi eki nikitureetera okushemererwa okwabuzima.—Zaaburi 40:8.
Nookoresa obugabe bwawe bw’okwecweramu kukora ebi Yehova arikwenda nari ebi orikwenda? (Reeba akacweka 8-10)
8, 9. (a) Entumwa Petero akaha kurabura ki aha bikwatiraine n’okukoresa obugabe bwaitu? (b) Omuntu naabaasa kukoresa ata kubi obugabe bwe?
8 Titushemereire kugira ngu nitusiima Yehova kyonka, kureka twine n’okwegyendesereza okutakoresa obugabe bwaitu omu muringo mubi. Nk’eky’okureeberaho, 1 Petero 2:16.) Okurabura oku nikutwijustya ekyahikire aha Baisraeli obu baabaire bari omu ihamba. Obunaku obu naitwe nitwetenga okurabura oku, obundi n’okukiraho. Omu nsi ya Sitaane harimu ebintu ebirikureebeka nk’ebirikushemeza, nk’eby’okujwara, eby’okurya, eby’okunywa, n’eby’okweshemeza. Abanyabwengye abarikukora ebirango nibakoresa abantu ababoneire kutureetera kugura ebintu ebi tutarikwetenga. Nikibaasa kutworobera kukoresa kubi obugabe bwaitu reero tugwe omu mutego gw’ensi.
entumwa Petero akaturabura kutakoresa obugabe bwaitu nka rwekwatso y’okukora ebibi. (Shoma9 Obuhabuzi bwa Petero nibukwata aha nshonga z’amaani, nk’eby’obwegyese, n’emirimo ei turikucwamu kukora. Nk’eky’okureeberaho, obunaku obu eminyeeto nibabaasa kugyemeserezibwa kutunga obwegyese bw’ahaiguru omu yunivasite nungi. Abantu baingi nibabagira ngu baatunga obwegyese bw’ahaiguru, nibaija kutunga emirimo mirungi, bakore esente, kandi baheebwe ekitiinisa. Abantu abo nibabaasa kubagambira ebirikworeka ngu abo abarikuba baherize yunivasite nibaija kutunga esente nyingi kukira abo abataragiire aha yunivasite. Obwegyese bw’ahaiguru nibubaasa kureebeka nk’ekiteekateeko kirungi aha minyeeto baaba nibaza kucwamu ebiraabakwateho ebiro byona. Kwonka shi bo n’abazaire baabo baine kwijuka ki?
10. Twine kwijuka ki twaba nitucwamu aha nshonga ezirikutukwataho?
10 Abamwe nibabaasa kuteekateeka ngu obu ziri enshonga ezi buri omwe aine kwecweramu, baine kugira obugabe bw’okwecweramu kyona eki barikwenda, kyaba kitarikureetera emitima yaabo kweshinja. Nibabaasa kuteekateeka aha bigambo bya Paulo ebi: “Ahabw’enki obusingye bwangye nibucwerwa orubanja” omuntu w’omunda ow’ondiijo muntu? (1 Abakorinso 10:29) N’obu turaabe twine obugabe bw’okwecweramu aha bikwatiraine n’obwegyese n’emirimo ei turaakore, twine kwijuka ngu obugabe bwaitu bwine obugarukiro, kandi ebi turikucwamu haine ebiraarugyemu. Niyo nshonga ahabw’enki Paulo yaagizire ati: “Byona nibiikirizibwa, kwonka ti byona ebiine omugasho. Byona nibiikirizibwa, kwonka ti byona ebirikwombeka.” (1 Abakorinso 10:23) N’obu turaabe twine obugabe bw’okucwamu aha nshonga ezirikutukwataho, eki turikuba nitwenda tikyo kikuru munonga.
NITUKORESA GYE OBUGABE BWAITU TWAHEEREZA YEHOVA
11. Ahabw’enki Yehova yaatwihire omu buhuuku bw’ekibi n’okufa?
11 Petero akaturabura ngu titushemereire kukoresa kubi obugabe bwaitu. Akagira ngu omuringo murungi n’okubukoresa kuba “abahuuku ba Ruhanga.” Yehova akoreise Yesu kutwiha omu buhuuku bw’ekibi n’okufa kugira ngu tubaase kumuheereza n’amagara gaitu goona.
Omuringo murungi gw’okukoresamu obugabe bwaitu n’okukoresa obwire bwaitu n’amaani gaitu kuheereza Yehova omu bwijwire
12. Noa n’eka ye bakatuteeraho ky’okureeberaho ki?
12 Omuringo murungi gw’okukoresamu obugabe bwaitu n’okukoresa obwire bwaitu n’amaani gaitu kuheereza Yehova omu bwijwire. Twakora eki nikiija kuturinda kutaikiriza ebigyendererwa by’ensi n’ebyetengo byaitu kuba nibyo byaba bikuru ahariitwe. (Abagalatia 5:16) Teekateeka aha ki Noa n’eka ye baakozire. Bakaba nibatuura omu nsi erimu obushaarizi n’eby’obushambani. Kwonka tibareetaahize omu bigyendererwa n’ebikorwa bibi eby’abantu abaabaire babeetooroire. Bakacwamu kuguma baine bingi by’okukora omu murimo ogu Yehova yaabaire abahaire. Bakombeka emeeri, baarundaana eby’okurya byabo n’eby’enyamaishwa, kandi baarabura abantu abandi ngu nihaija kubaho Omwegyemure. ‘Noa akakora atyo, nka byona ebi Ruhanga yaamuragiire oku biri; kandi yaaba nikwo yaatwaza.’ (Okutandika 6:22) N’ekyarugiremu, Noa n’eka ye bakahonakaho obu ensi egyo yaacwekyerezibwa.—Abaheburaayo 11:7.
13. Yehova atuhaire ekiragiro ky’okukora ki?
13 Yehova naayenda ngu tukore ki obunaku obu? Itwe abeegi ba Yesu, nitumanya ngu Ruhanga akatuha ekiragiro ky’okubuurira. (Shoma Luka 4:18, 19.) Obunaku obu, Sitaane ahumize amaisho g’abantu baingi, kandi tibarikumanya ngu n’abahuuku b’ediini z’ebishuba, eby’obugaiga, n’eby’obutegyeki. (2 Abakorinso 4:4) Nka Yesu, twine omugisha gw’okuhwera abandi kumanya Yehova Ruhanga orikuha obugabe kandi bakamuramya. (Matayo 28:19, 20) Okubuurira abandi tikyorobi. Omu bicweka ebimwe abantu tibaine kihika ky’okumanya ebirikukwata ahari Ruhanga, kandi abamwe nibagira ekiniga twaba nitubabuurira. Kwonka obu Yehova niwe arikuturagiira kubuurira, twine kwebuuza, ‘nimbaasa kukoresa obugabe bwangye kwongyera aha ku ndikuheereza Yehova?’
14, 15. Abaheereza ba Yehova baingi bacwiremu kukora ki? (Reeba ekishushani aha kutandika.)
14 Nikitugaruramu amaani kureeba ngu abaheereza ba Yehova nibamanya ngu emperu y’obusingye obu eri haihi, kandi bacwiremu kweyihaho ebitarikwetengyesa baaba baapayoniya. (1 Abakorinso 9:19, 23) Abamwe ni baapayoniya omu bicweka byabo, kandi abandi nibaza omu bibiina ebirikwetenga obuhwezi. Omu myaka etaano ehingwire, ababuurizi abarikurenga 250,000 bakaba baapayoniya, kandi hati nibarenga baapayoniya 1,100,000. Ka nikishemeza kureeba ngu baingi nibakoresa obugabe bwabo kuheereza Yehova omu muringo ogu!—Zaaburi 110:3.
15 Niki ekibahwereire kukoresa obugabe bwabo omu muringo murungi? Teekateeka aha ky’okureeberaho kya John na Judith, abamazire emyaka 30 nibaheereza omu mahanga maingi. Nibashoboorora ngu obu Eishomero ry’Obuheereza Erya Baapayoniya ryatandika 1977, abeegi bakahigwa kuza omu bicweka ahu ababuurizi barikwetengwa munonga. John na Judith kubaasa kuhika aha kigyendererwa kyabo, bakaba baine kweyihaho ebitarikwetengyesa. N’ahabw’ekyo John ahonaaho akahindura omurimo gwe. Bwanyima, bakaza kubuurira omu ihanga erindi. Niki ekyabahwereire kusingura oburemeezi nk’okwega orurimi rusya n’okumanyiira entwaza nsya, Yakobo 4:8 birikumanyisa ebirikugira biti: ‘Mwirire haihi Ruhanga, nawe abone kubairira haihi.’ Nimmanya ngu nkatunga eki naabaire ninsherura, nikwo kumarwa.”
n’embeera nsya ey’obwire? Bakashaba Yehova kandi baamwesiga kubahwera. Nibeehurira bata ahabw’okuheereza Yehova omu muringo ogu kumara emyaka egi yoona? John naagira ati: “Nkaba ninyehurira ngu niinyejumbira kimwe omu murimo ogurikukirayo oburungi. Yehova akaba owaabuzima ahariinye, nk’omuzaire oine rukundo. Hati ninyetegyereza gye eki ebiri omuri16. Ab’eishe-emwe na banyaanyazi-itwe baingi bakoreise gye bata obugabe bwabo?
16 Nka John na Judith, abamwe nibabaasa kuba baapayoniya kumara obwire buraingwa. Ahabw’embeera zitari zimwe na zimwe, abamwe nibaba baapayoniya kumara obwire bukye. Kandi abandi baingi, nibeehayo kuhwera omu murimo gw’okwombeka omu nsi yoona. Nk’eky’okureeberaho, ab’eishe-emwe na banyaanyazi-itwe nka 27,000 bakaija kuhwera omu kwombeka ofiisi enkuru eya Warwick, omuri New York. Abamwe bakaba baija kumara saabiiti ibiri, ameezi makye, kandi abandi kumara omwaka nari n’okurengamu. Baingi aharibo bakeefeerereza bingi kubaasa kwejumba omu kwombeka Warwick. Bakataho eby’okureeberaho birungi barikukoresa obugabe bwabo kuhimbisa Yehova, Ruhanga n’okumuha ekitiinisa!
17. Nitwija kutunga ki twakoresa gye obugabe bwaitu hati?
17 Nitushemererwa ahabw’okugira ngu tubaasize kumanya Yehova n’okugira obugabe oburikuruga omu kumuramya. Omu bi turikucwamu ka tukyoreke ngu obugabe obu nitubutwara nk’obw’omuhendo. Omu mwanya gw’okubukoresa kubi, ka tubukorese kuheereza Yehova omu bwijwire nk’oku turikubaasa. Obwo nitwija kutunga emigisha ya Yehova, obunabi obu ku buraahikiirire: “Ebihangirwe ebyo nabyo biryacungurwa, birekye kuba eby’okujunda, kureka biheebwe obusingye bw’abaana ba Ruhanga obw’ekitiinisa.”—Abarooma 8:21.