1, 2. (a) Ni buremeezi ki obu abaana abafuruki barikutunga? (b) Nituza kushwijuma bibuuzo ki omu kicweka eki?

JOSHUA naagira ati: “Okuruga omu buto, nkaba ningamba orurimi rw’abazaire bangye abafuruki naaba ndi omuka n’omu kibiina. Kwonka ku naatandikire eishomero, nkatandika kukunda orurimi orwabaire nirugambwa omu kicweka ekyo. Omu myaka mikye, nkaba ningambira kimwe orurimi orwo. Nkaba ntarikubaasa kwetegyereza enteerane omu rurimi rw’abazaire bangye, kandi nkaba ninyehurira nk’otari w’oruganda rwabo.” Ekyahikire ahari Joshua nikikira kubaho.

² Obunaku obu, abantu abarikurenga 240,000,000 tibarikutuura omu mahanga agu baazaariirwemu. Waaba ori omuzaire omufuruki, noobaasa kuha ota abaana baawe omugisha gw’okwega kukunda Yehova, kandi ‘bakagyendera omu mazima’? (3 Yohaana 4) Kandi abandi nibabaasa kuhwera bata?

3, 4. (a) Abazaire nibabaasa kuteeraho bata abaana baabo eky’okureeberaho kirungi? (b) Niki eki abazaire batashemereire kuteekateeka ngu abaana baabo nibaija kubakorera?

³ Abazaire, eky’okureeberaho kyanyu ni kikuru mwaba nimwenda ngu abaana baanyu bagire omukago murungi na Yehova,  kandi baije batungye amagara agatahwaho. Abaana baawe baakureeba ‘noobanza kusherura obukama,’ nibeega kwesiga Yehova ngu naija kubaha ebirikwetengyesa. (Matayo 6:33, 34) Yebeembeza okuheereza Yehova omu mwanya gw’okusherura eby’obutungi. Marwa n’ebi oine kandi teeraho kwetantara amabanja. Sherura “eitungo omu iguru,” ekirikumanyisa, okusiimwa Yehova, omu mwanya gw’okusherura esente nari “kusiimwa abantu.”—Shoma Mako 10:21, 22; Yohaana 12:43.

⁴ Otakaikiriza kugira bingi by’okukora reero okaremwa kugirira abaana baawe obwire. Bashemereire kukimanya ngu noobeesiimisa baacwamu kwebembeza okuheereza Yehova omu mwanya gw’okusherura ekitiinisa nari esente, ahabwabo nari ahabwawe. Yetantare emiteekateekyere mibi ngu abaana baine kukoreerera abazaire baabo bakagira embeera nungi. Ijuka ngu, “abaana tibo bashemereire kubiikira abazaire baabo, kureka abazaire nibo babiikira abaana.”—2 Abakorinso 12:14.

5. Ahabw’enki abazaire baine kuguma nibagambira abaana baabo ebirikukwata ahari Yehova?

⁵ Nk’oku kyagambirwe ira, abantu “abarikuruga omu mahanga aga buri rurimi” hati nibaija omu kibiina kya Yehova. (Zekaria 8:23) Kwonka abaana baawe baaba batarikwetegyereza gye orurimi rwawe, nikibaasa kukugumira kubeegyesa amazima. Nibo beegi baawe ba Baibuli ab’omuhendo abu orikubaasa kugira, kandi ‘baamanya’ Yehova, nibwo baraije kutunga amagara agatahwaho. (Yohaana 17:3) Abaana baawe kubaasa kwega ebi Yehova arikubeegyesa, oine ‘kuguma noobigaaniiraho’ butoosha.—Shoma Eky’Ebiragiro 6:6, 7.

6. Abaana baawe nibabaasa kugasirwa bata baayega orurimi rwawe? (Reeba ekishushani aha kutandika.)

⁶ Abaana baawe nibabaasa kwega orurimi orurikukoresibwa ahu murikutuura, baaba bari aha ishomero nari kuruga aha bandi. Kwonka nibeega orurimi rwawe waaba noogamba nabo butoosha. Abaana baawe ku barikugamba orurimi rwawe, nikiija kuboorobera kugamba naiwe, kandi bakugambire n’oku barikwehurira. Kwonka hariho emigasho endiijo. Abaana baawe ku barikwega endimi ezirengire ahari rumwe, nibongyera aha kubaasa kwabo kw’okuteekateeka, kandi nikibahwera n’okwetegyereza emiteekateekyere y’abandi. Kandi nikibaasa n’okubaha omugisha gw’okwongyera aha kubuurira. Carolina, ou abazaire be bari abafuruki naagira ati: “Okuba omu kibiina ekirikukoresa orurimi rutari rwaitu nikishemeza. Kandi nikireeta okushemererwa kuhwera ahu ababuurizi b’Obukama barikwetengwa munonga.”

7. Noobaasa kukora ki mwaba mwine oburemeezi bw’orurimi omu ka yaanyu?

⁷ Kwonka, abaana b’abafuruki ku barikwega emigyenzo n’orurimu rw’ekicweka eki barikutuuramu, abamwe nibabaasa kutagira kyetengo ky’okugamba orurimi rw’abazaire baabo. Abazaire, abaana baanyu baaba nikwo barikutwaza, nimubaasa kuteeraho kwega orurimi rw’ekicweka ekyo? Nikiija kworoba kukuza abaana baawe kuba Abakristaayo barungi waaba nooyetegyereza ebi barikugaaniiraho, eby’okweshemeza  ebi barikwejumbamu, n’ebi barikukora aha ishomero na waaba noobaasa kugamba butunu n’abashomesa baabo. N’amazima okwega orurimi rusya nikyetengyesa obwire, amaani, n’obucureezi. Kwonka nikirugamu ebirungi. Nk’eky’okureeberaho, ka tugire ngu omwana waawe n’omuteta, mbwenu shi torikwija kuteeraho kwega orurimi rw’abateta kubaasa kugamba nawe? Omwana orikugamba gye omu rurimi orundi nawe nooba oine kumufaho, ekyo torikukiikiriza? *—Reeba obugambo obw’ahansi.

8. Noobaasa kuhwera ota abaana baawe waaba otarikumanya kugamba gye orurimi rusya oru beegire?

⁸ Nikibaasa kugumira bamwe aha bazaire abafuruki kugamba gye orurimi rw’abaana baabo orusya. Eki nikibaasa kugumira abazaire kuhwera abaana baabo kwetegyereza “ebyahandiikirwe ebirikwera.” (2 Timoseo 3:15) Waaba ori omu mbeera nk’egyo, nabwo noobaasa kuhwera abaana baawe kumanya Yehova kandi bakamukunda. Omureeberezi orikwetwa Shan naagira ati: “Maaweitwe akaba naayetegyereza bikye omu rurimi oru twabaire nitumanya gye, kandi nyowe na banyaanyazi tukaba tutarikugamba gye orurimi rwe. Kwonka ku twabaire tureeba naayeyegyesa, naashaba, kandi arikukora kyona eki arikubaasa kwebembera okuramya kw’eka buri saabiiti, tukaba tumanya ngu okumanya Yehova ni kikuru munonga.”

9. Abazaire nibabaasa kuhwera bata abaana baabo abarikwenda kwega omu ndimi ibiri?

⁹ Abaana abamwe nikibaasa kubeetengyesa kwega ebirikukwata ahari Yehova omu ndimi ibiri. Ahabw’enki? Ahabw’okugira ngu nibagamba orurimi rumwe baaba bari aha ishomero, kandi bagamba orundi baaba bari omu ka. Ahabw’enshonga egyo, abazaire abamwe nibakoresa ebitabo, eby’okuhurikiza ebiri aha rutambi, na vidiyo omu ndimi zombi. Buzima, abazaire abafuruki baine kuteeraho munonga kuhwera abaana baabo kwirira haihi Yehova.

10. (a) N’oha oine kutoorana ekibiina eki eka eine kuzamu? (b) Emitwe y’amaka baine kukora ki batakacwiremu?

¹⁰ “Abashuhuuki” baaba nibatuura hare n’Abajurizi ba Yehova abandi abarikugamba orurimi rwabo, nibaba baine kuza omu kibiina ekirikukoresa orurimi rw’ekicweka eki barimu. (Zaaburi 146:9) Kwonka haaba hariho ekibiina ekiri haihi ekirikukoresa orurimi rw’owaabo, omutwe gw’eka aine kucwamu ekibiina ki eki baraazemu ekirikukoresa orurimi oruragasire eka yoona. Kwonka atakacwiremu, aine kukiteekateekaho n’obwegyendesereza kandi akashaba. Kandi ashemereire kukigaaniiraho n’omukazi we n’abaana. (1 Abakorinso 11:3) Niki eki aine kuteekateekaho? Ni misingye ki ya Baibuli erikubaasa kumuhwera kucwamu?

11, 12. (a) Orurimi nirukukwata ruta aha ku omwana arikugasirwa omu nteerane? (b) Ahabw’enki abaana abamwe batarikwenda kwega orurimi rw’abazaire baabo?

¹¹ Abazaire baine kufayo kumanya buzima eki abaana baabo barikwenda. Abaana  kubaasa kwetegyereza gye amazima ga Baibuli, baine kutunga ekirikukira aha kubeegyesa kumara eshaaha nkye nari okuza omu nteerane buri saabiiti. Kwonka yetegyereza eki: Abaana baaza omu nteerane z’orurimi oru barikwetegyereza gye, nibabaasa kugasirwa munonga, kukira n’oku abazaire baabo barikuteekateeka. Ekyo nikibaasa kutaba kityo abaana baaba batarikwetegyereza gye orurimi. (Shoma 1 Abakorinso 14:9, 11.) Kandi orurimi oru omwana azaariirwemu tikirikumanyisa ngu nirwo ruraagume nirukwata aha ku arikuteekateeka n’oku arikwehurira. Amazima gari ngu, abaana abamwe nibabaasa kwega kugarukamu, kuha eby’okureeberaho, n’embazo omu rurimi rw’abazaire baabo, beitu buzima batarikubaasa kugamba ebiteekateeko byabo n’enyehurira zaabo omu rurimi orwo.

¹² Kandi nabwo, orurimu tirwo rwonka orurikuhika aha mutima gw’omwana. Ekyo nikyo kyahikire ahari Joshua, owaaba yaagambirweho. Munyaanya orikwetwa Esther, naagira ati: “Abaana bato nibakwatwaho orurimi rw’abazaire baabo, oruganda, n’ediini yaabo.” Abaana baaba nibeehurira ngu tibari kicweka ky’oruganda rw’abazaire baabo, nibabaasa kutakunda kwega orurimi n’ediini eby’abazaire baabo. Abazaire abafuruki nibabaasa kukora ki?

13, 14. (a) Ahabw’enki omushaija n’omukazi we abafuruki baatwire eka yaabo omu kibiina ky’orurimi rw’ekicweka eki baabaire batwiremu? (b) Abazaire abo bakabaasa bata kuguma baine omukago murungi na Yehova?

¹³ Abazaire Abakristaayo nibeebembeza ebyetengo by’abaana baabo beitu bitari ebi barikukunda. (1 Abakorinso 10:24) Samuel Ishe wa Joshua na Esther, naagira ati: “Nyowe n’omukazi wangye tuketegyereza abaana baitu kumanya orurimi orurikubaasisa amazima kubahika aha mutima, kandi tukashaba obwengye. Eky’okugarukamu eki twatungire tikyo twabaire nitukunda. Kwonka ku twareebire ngu nibagasirwa kakye omu nteerane ez’orurimi rwaitu, tukacwamu kuza omu kibiina ky’orurimi rw’ekicweka ahu twabaire nitutuura. Twena nk’eka, tukaba nituza omu nteerane butoosha, kandi twejumba n’omu kubuurira. Kandi tukaba tweta na banywani baitu kurya naitwe twejumba hamwe n’omu by’okweshemeza. Ebi byona bikahwera abaana baitu kumanya ab’eishe-emwe n’okumanya Yehova, nka Ishebo kandi munywani waabo. Tukareeba ngu eki ni kikuru munonga aha baana baitu okukira okufayo ngu bakwate orurimi rwaitu.”

¹⁴ Samuel naayongyeraho ati: “Nyowe n’omukazi wangye kubaasa kuguma tuhami omu by’omwoyo, obumwe tukaba tuza omu nteerane eziri omu rurimi rwaitu. Tukaba twine bingi by’okukora, kandi tukaba nituruha. Kwonka nitwebaza Yehova ahabw’okutuha emigisha omu kuteeraho n’okwefeerereza kwaitu. Abaana baitu bashatu boona nibaheereza Yehova omu buheereza obw’obutwire.”

15. Ahabw’enki munyaanyazi-itwe Kristina yaareebire ngu naabaasa kukora gye yaaza omu kibiina ky’orurimi rw’ahu batwire?

¹⁵ Abaana ku barikukura, nibabaasa kwetegyereza ngu nibaija kuheereza gye Yehova baaba bari omu kibiina ky’orurimi oru barikumanya gye. Kyaba kiri kityo, abazaire baabo tibashemereire kuteekateeka ngu abaana baabo bariyo nibabahungaho. Kristina naijuka ati: “Nkaba nimmanya ebigambo eby’okubandizaho omu rurimi rw’abazaire bangye,  kwonka ebigambo ebyabaire nibikoresibwa omu nteerane bikaba nibingumira. Ku naahikize emyaka 12, nkaza omu ruteerane oruhango orwabaire ruri omu rurimi oru turikukoresa aha ishomero. Omurundi gw’okubanza, nketegyereza ngu ebi naabaire nimpurira gakaba gari amazima! Ekintu ekindi ekirungi ekyabaireho n’obu naatandika kushaba omu rurimi oru turikukoresa aha ishomero. Nkaba nimbaasa kugamba na Yehova kuruga aha mutima!” (Ebyakozirwe 2:11, 41) Kristina ku yaahikize emyaka 18, akagaaniiraho n’abazaire be kandi yaacwamu kuza omu kibiina ky’orurimi rw’ekicweka eki baabaire nibatuuramu. Naagira ati: “Okwega ahari Yehova omu rurimi oru turikukoresa aha ishomero kikampiga kugira eki naakora.” Kristina akatandika kuheereza nka payoniya kandi ashemereirwe munonga.

16. Ahabw’enki Nadia ashemereirwe ahabw’okuguma omu kibiina ky’orurimi rw’eihanga erindi?

¹⁶ Abato, mukaabaire nimwenda kuza omu kibiina eky’orurimi rw’ahu mutwire? Kyaba kiri kityo, yebuuze ahabw’enki. N’ahabw’okugira ngu okuza omu kibiina ekyo nikiija kukuhwera kwirira haihi Yehova? (Yakobo 4:8) Nari n’ahabw’okugira ngu torikwenda abazaire baawe bareebe ebi orikukora nari n’ahabw’okutenda kugira eki waakora? Nadia hati orikuheereza aha Beseeli naagira ati: “Nyowe na barumuna bangye ku twahikize emyaka y’obushogoyo, tukaba nitwenda kuza omu kibiina eky’orurimi rw’ahu turikutuura.” Kwonka abazaire be bakaba nibamanya ngu okuza omu kibiina ekindi ti kirungi aha mukago gwabo na Yehova. “Hati nitusiima abazaire baitu abaakozire n’amaani kutwegyesa orurimi rwabo kandi bakatuhwera kuguma omu kibiina ky’orurimi rw’eihanga erindi. Kituhwereire munonga omu magara gaitu twatunga n’emigisha y’okuhwera abandi kumanya Yehova.”

17. (a) N’oha ou Yehova ahaire obujunaanizibwa bw’okworora abaana? (b) Abazaire nibabaasa kutunga bata obuhabuzi bw’okwegyesa abaana baabo amazima?

¹⁷ Yehova ahaire abazaire obujunaanizibwa bw’okwegyesa abaana baabo amazima. Tarabuhaire baishenkurubo nari ondiijo weena. (Shoma Enfumu 1:8; 31:10, 27, 28.) Kwonka nabwo, abazaire abatarikumanya orurimi rw’ekicweka eki barikutuuramu nibabaasa kuba nibenda obuhwezi kuhika abaana baabo aha mutima. Abazaire ku barikushaba obuhwezi, tikirikumanyisa ngu bariyo nibateeraho kwehuzya obujunaanizibwa obw’okworora abaana baabo. Kureka, nikibaasa kuba kiri kimwe aha kiraabahwere kukuza abaana baabo ‘nibabategyeka gye, kandi nibabeegyeseza omuri’ Yehova. (Abaefeso 6:4) Nk’eky’okureeberaho, abazaire nibabaasa kushaba abareeberezi omu kibiina kubaha obuhabuzi oburikukwata aha kwebembera okuramya kw’eka n’okutunga abanywani barungi b’abaana baabo.

18, 19. (a) Abakristaayo abandi nibabaasa kuhwera bata abato? (b) Abazaire baine kugumizamu nibakora ki?

¹⁸ Abazaire kubaasa kuhwera abaana baabo, nibabaasa kweta amaka agandi kubegaitaho omu kuramya kwabo okw’eka. Kandi nabwo, abato abaingi nibeegyera aha Bakristaayo abandi baaba nibabuurira nabo nari baaba nibakora ebintu ebindi hamwe. (Enfumu 27:17) Shan, owaaba yaagambirweho naagira ati: “Ninyijuka gye ab’eishe-emwe abantaire ahansi y’amapapa gaabo. Ku baabaire bampwera kuteebekanisa orubazo rwangye, nkaba nyega bingi. Kandi nkaba nkunda munonga  eby’okweshemeza ebi twabaire twejumbamu hamwe nka guruupu.”

¹⁹ Abo abu abazaire barikutoorana kuhwera abaana baabo, bashemereire kuhiga abaana kuha abazaire baabo ekitiinisa. Eki noobaasa kukikora orikugamba gye aha bazaire baabo kwonka otarikwihaho abazaire obujunaanizibwa bw’okworora abaana baabo. Kandi nabwo, abo abarikuhwera abaana b’abandi baine kwetantara ekikorwa kyona ekirikubaasa kuteganisa ab’omu kibiina n’ab’aheeru y’ekibiina. (1 Petero 2:12) N’obu obumwe abazaire barikubaasa kushaba abandi obuhwezi, nibaguma baine obujunaanizibwa bw’okwegyesa abaana baabo amazima. Baine kushwijuma obuhwezi obu Abakristaayo abandi barikuha abaana baabo.

20. Abazaire nibabaasa kuhwera bata abaana baabo kuba abaheereza ba Yehova abeesigwa?

²⁰ Abazaire, mushabe Yehova kubahwera, kandi muteereho kukora kyona eki murikubaasa. (Shoma 2 Obusingye 15:7.) Twara omukago gw’abaana baawe na Yehova nka mukuru munonga okukira okwesherurira ebyawe. Kora nk’oku orikubaasa kureeba ngu Ekigambo kya Ruhanga kyahika omwana waawe aha mutima. Guma oine amatsiko ngu omwana waawe naabaasa kuba Omujurizi wa Yehova. Abaana baawe baakuratira Ekigambo kya Ruhanga n’eky’okureeberaho kyawe kirungi, noija kwehurira nk’oku entumwa Yohaana yaayehuriire ahabw’abaana be ab’akamanyiso: “Tihariho ki ndikushemerererwa okukira eki, okuhurira ngu abaana bangye nibagyendera omu mazima.”—3 Yohaana 4.