Nitubaasa Kusingura Tuta Omuzigu Rufu?
N’OBU obugomi bw’abazaire baitu ab’okubanza Adamu na Haawa buraabe bwarugiiremu abantu boona ekibi n’okufa, ekyo tikirahindwire ekigyendererwa eki Ruhanga ainiire abantu. Emirundi mingi, Ruhanga naayoreka omu Kigambo kye Baibuli ngu ekigyendererwa kye tikihindukire.
-
‘Abahikiriire nibaija kuhungura ensi, bagituuremu ebiro byona.’ —Zaaburi 37:29.
-
‘Ruhanga naija kumirira kimwe rufu, aragaze amarira aha maisho goona.’—Isaaya 25:8.
-
‘Omuzigu orikwija kuhereeruka kwihwaho ni rufu.’—1 Abakorinso 15:26.
-
‘Tiharikwija kubaho kufa bundi, n’obu kwakuba okucura nari okurira nari obusaasi.’—Okushuuruurwa 21:4.
Ni mu muringo ogu Ruhanga ‘araamirire kimwe rufu’ nari akagihindura busha? Nk’oku twaba twareebire, Baibuli neeyoreka gye ngu ‘abahikiriire nibaija kutuuraho ebiro byona.’ Kwonka nabwo neegira ngu ‘tihariho ohikiriire omu nsi orikukora gye’ butoosha. (Omubuurizi 7:20) Mbwenu shi Ruhanga naija kwehuzya omutindo gwe kubaasa kwihaho rufu? Ekyo nikikabure! Tarikubaasa kukikora, ahakuba ‘Ruhanga tarikubaasa kubeiha.’ (Tito 1:2) Mbwenu shi Ruhanga naija kukora ki kuhikiiriza ekigyendererwa kye eky’okuhanga abantu?
‘RUHANGA NAIJA KUMIRIRA KIMWE RUFU.’—ISAAYA 25:8
OKUSINGURA RUFU KURABIRA OMU KUHAYO EKITAMBO
Yehova Ruhanga akahayo ekitambo, niyo ntebeekanisa ya rukundo ey’okucungura abantu okufa. Ekitambo n’ekintu ekirikushashurwa ekirikwingana n’ekisiisikaire nari ekirikureetaho oburingaaniza. Obu abantu boona bari abasiisi kandi baine omushango gw’okufa, Baibuli neegamba butunu eti: “Tihariho n’omwe aharibo orikubaasa kucungura mwene ishe, n’obu kwakuba okuha Ruhanga eky’okumucungura, ahakuba okucungura amagara gaabo n’okw’obuguzi bwingi, tikushemereire kwehangwa.”—Zaaburi 49:7, 8.
Omuntu otahikiriire yaafa, naaba yaashashurira ebibi bye; tarikubaasa kwecungura n’obu kwakuba okushashurira ebibi by’ondiijo. (Abarooma 6:7) Kikaba nikyetengyesa omuntu ohikiriire otaine kibi kuhayo amagara ge, kushashurira ebibi byaitu beitu bitari ebye.—Abaheburaayo 10:1-4.
Ekyo nikyo kyenyine eki Ruhanga yaakozire. Akoohereza Omwana we Yesu kuruga omu iguru yaija omu nsi ahikiriire. (1 Petero 2:22) Yesu akagira ngu akaija ‘kuhayo amagara ge okucungura baingi.’ (Mako 10:45) Akafa kusingura omuzigu rufu kugira ngu tubaase kutunga amagara.—Yohaana 3:16.
RUFU NEIJA KUSINGURWA RYARI?
Hati nitureeba okuhikiirira kw’obunabi bwa Baibuli oburikukwata aha ‘biro by’akabi kaingi’ ebigumire kwemera, ekirikuhamya ngu turi omu ‘biro by’emperu’ eby’ensi egi embi. (2 Timoseo 3:1) Ebiro by’emperu nibiza kuhendera ‘n’ekiro ky’orubanja eki abantu abatarikutiina Ruhanga baraacwekyerezibweho.’ (2 Petero 3:3, 7) Kwonka abantu abarikukunda Ruhanga nibaija kuhonokaho, reero baheebwe omugisha ‘gw’amagara agatahwaho.’—Matayo 25:46.
Yesu akaija ‘kuhayo amagara ge okucungura baingi.’—Mako 10:45
Obukaikuru bw’abantu abandi nibaija kutunga amagara agatahwaho baaheza kuzooka. Yesu akazoora omuntu obu yaabaire naaza kutaayaaya omu Luka 7:11-15) Kandi entumwa Paulo akagira ati: ‘Nyine amatsiko ahari Ruhanga ngu nihaija kubaho okuzooka kw’abahikiriire n’abatahikiriire.’ Amatsiko aga n’obuhame ngu Ruhanga naakunda abantu.—Ebyakozirwe 24:15.
rurembo Naini. Omukazi efaakazi akaba afeereirwe omutabani, kandi Yesu akamugirira “esaasi,” yaazoora omutabani. (Obuhumbi bw’abantu abo nibabaasa kugira ekihika ky’okwija kutuuraho ebiro byona. Baibuli neegira eti: ‘Abahikiriire nibaija kuhungura ensi, bagituuremu ebiro byona.’ (Zaaburi 37:29) Omu bwire obwo, nibaija kureeba okuhikiirira kw’ebigambo birikuhuumuriza ebi entumwa Paulo yaahandiikire nk’emyaka 2,000 ehingwire ebi: “Iwe Rufu, okusingura kwawe kurahi? Iwe Rufu, oruburi rwawe rurahi?” (1 Abakorinso 15:55) Omuzigu w’abantu rufu naija kuba asinguriirwe kimwe!