“Murekye Okugumisiriza Kuhitsye Omurimo Gwako”
“Murekye okugumisiriza kuhitsye omurimo gwako, naimwe mubone kuba abahikire omuri byona, mutaine ki mubuzirweho.”—YAK. 1:4.
EKYESHONGORO: 24, 139
1, 2. (a) Nitubaasa kwega ki aha kugumisiriza kwa Gideoni n’abashaija be 300? (Reeba ekishushani aha kutandika.) (b) Kurugiirira aha biri omuri Matayo 24:13, ahabw’enki okugumisiriza ni kikuru?
ORUTARO rukaba nirunyinyitira. Abaserukare ba Israeli barikwebemberwa Omuramuzi Gideoni, ekiro kyona bakabinga eihe ry’Abamidiani n’abo abaabaire nibabashagika. Bakagyenda mahiro nka 20 babakuratiire! Baibuli neegamba ekyabaireho eti: “Gideoni yaija yaayambuka Yorudani n’abo bantu magana ashatu, abu yaabaire aine, bagwire enshazi.” Kwonka nabwo, Gideoni n’abashaija be bakaba batakasiingwire orutaro, abazigu abarikwingana 15,000 bakaba bakiriho. Abaisraeli bwanyima y’okumara emyaka mingi barikubonabonesibwa Abamidiani, bakaba nibamanya ngu tibaine kurekyera aho kurwana. N’ahabw’ekyo, kubaasa kumaraho abazigu baabo Abamidiani, bakaguma “babakuratiire” okuhitsya obu baabasingura.—Bar. 7:22; 8:4, 10, 28.
2 Naitwe nitugumizamu kurwana orugamba tutarikuhumura. Abazigu baitu nibatwariramu Sitaane, ensi ye embi, n’okutahikiirira kwaitu. Bamwe ahariitwe tutwire niturwana kumara emyaka mingi, kandi ahabw’obuhwezi bwa Yehova, tubaasize kusingura. Kwonka obumwe, nitubaasa kuruha kurwanisa abazigu baitu, reero tutegyereze emperu y’ensi egi embi. Buzima, titukahikire aha businguzi bwenyine. Yesu akaturabura ngu itwe abariho omu biro Matayo 24:13.) Okugumisiriza niki? Niki ekiraatuhwere kugumisiriza? Nitubaasa kwegyera ki ahari abo abaagumisiriize? Nitubaasa kureka tuta ‘okugumisiriza kukahitsya omurimo gwako’?—Yak. 1:4
by’emperu tukaba nitwija kugyezibwa munonga kandi tutwarizibwe kubi, kwonka akagaruka yaagira ngu kubaasa kusingura twine kugira okugumisiriza. (ShomaOKUGUMISIRIZA NIKI?
3. Okugumisiriza niki?
3 Omu Baibuli, okugumisiriza nikimanyisa ekirikukira aha kugumira oburemeezi nari embeera egumire. Okugumisiriza nikutwariramu ebiteekateeko byaitu n’omutima gwaitu, nari omuringo ogu turikutwazamu twaba twine oburemeezi. Nikutuhwera kuba emanzi, kugira okwikiriza, n’okutegyereza. Ekihandiiko kimwe nikigira ngu okugumisiriza n’omutwarize ogurikutuhwera kugira amatsiko maingi, kandi tukeetantara kubirugaho twagyezibwa. Nikutuhwera kuguma tuhami tutarikutengyetsibwa n’omu kugyezibwa kw’amaani munonga. Okugumisiriza omu kugyezibwa nikurugamu obusinguzi, kandi kutuhwera kuta omutima aha kigyendererwa kyaitu omu mwanya gw’obusaasi bwaitu.
4. Ahabw’enki turikubaasa kugira ngu rukundo neeyetengyesa munonga omu kugumisiriza?
4 Abakristaayo nibahigwa rukundo kubaasa kugumisiriza. (Shoma 1 Abakorinso 13:4, 7.) Rukundo ei twiniire Yehova neetuhiga kugumisiriza buri kintu kyona ekirikuhikaana n’ekigyendererwa kye. (Luk. 22:41, 42) Rukundo ei twiniire ab’eishe-emwe neetuhwera kugumisiriza okutahikiirira kwabo. (1 Pet. 4:8) Rukundo neehwera n’abashweraine kugumisiriza “obusaasi” bw’obushwere n’okuhamya obushwere bwabo.—1 Kor. 7:28.
NIKI EKIRAAKUHWERE KUGUMISIRIZA?
5. Ahabw’enki Yehova niwe ahikire kutuhwera kugumisiriza?
5 Shaba Yehova kukuha amaani. Yehova ni Ruhanga “w’okugumisiriza n’okuhuumuza.” (Rom. 15:5) Niwe wenka orikwetegyereza oburemeezi bwaitu, enyehurira zaitu, n’obuhangwa bwaitu. N’ahabw’ekyo niwe arikubaasa kutuhwera kugumisiriza. Baibuli neegira ngu “abarikumutiina aryabamarira ebi barikwetenga, kandi aryahurira okutaka kwabo, abajune.” (Zab. 145:19) Kwonka shi, twashaba Ruhanga kutuha amaani g’okugumisiriza, naija kutugarukamu ata?
6. Kurugiirira ahari Baibuli, Yehova naabaasa kututeeraho ata “oburyo” bw’okusingura okugyezibwa?
6 Shoma 1 Abakorinso 10:13. Twashaba Yehova kutuhwera kwemera okugyezibwa, naija kututeeraho “oburyo” bw’okusingura. Mbwenu shi Yehova haine eki arikukora kumaraho okugyezibwa? Eego. Naatuteeraho oburyo ‘ngu tubaase kugumisiriza.’ Buzima, Yehova naatuha amaani ‘kugumisiriza omuri byona n’okutaruha, twine okushemererwa.’ (Kol. 1:11) Kandi obu Yehova arikumanya gye obuhangwa bwaitu, ebiteekateeko byaitu, n’enyehurira zaitu, tarikubaasa kwikiriza ngu tuhikweho okugyezibwa oku tutarikubaasa kwemera.
7. Ha eky’okureeberaho kworeka ahabw’enki nitwetenga eby’okurya by’omwoyo kubaasa kugumisiriza.
7 Ikiriza eby’okurya by’omwoyo bihamye okwikiriza kwawe. Kubaasa kutemba Orushozi Everest orurikukirayo oburaingwa omu nsi yoona, omu izooba rimwe omuntu aine kurya eby’okurya ebi ashemereire kurya omu biro bina. Abakristaayo nabo kubaasa kugumisiriza, kandi bakahika aha kigyendererwa kyabo, baine kuguma nibarya eby’okurya bingi eby’omwoyo. Tushemereire kugira omucwe gw’okushoma Baibuli, kugyega, kandi tukaza omu nteerane. “Eby’okurya ebirikugumaho okuhitsya aha magara agatahwaho” nibihamya okwikiriza kwaitu.—Yoh. 6:27.
8, 9. (a) Kurugiirira aha Yobu 2:4, 5, niki ekirikutwarirwa omu kugyezibwa kwaitu? (b) Waaba noogyezibwa, noobaasa kuteekateeka ahari ki ekitarikureebwa?
Yob. 2:4, 5) Sitaane naagira ngu tihariho orikuheereza Yehova ayekundiire. Mbwenu shi kuruga obu Sitaane yaagamba atyo ahindukire? Ngaaha buzima! Sitaane bwanyima y’emyaka mingi aherize kubingwa omu iguru, akaba naakyetwa “omuregi w’ab’eishe-emwe . . . , obarega nyomushana na nyekiro omu maisho ga Ruhanga waitu!” (Kush. 12:10) Sitaane takeebirwe enshonga y’obwesigwa. Aine ekihika ky’okureeba nituremwa kushagika Ruhanga ohikire kutegyeka byona.
8 Guma ori omwesigwa ahari Ruhanga. Abaheereza ba Yehova ku barikugyezibwa, nibabonabona. Kwonka haine ekindi ekirikutwarirwamu. Obwesigwa bwaitu ahari Ruhanga nabwo nibugyezibwa. Oku turikutwaza twahikwaho okugyezibwa, nikworeka yaaba nitutwara Yehova nk’ohikire kutegyeka. Sitaane omuzigu wa Yehova, akamujuma n’ebigambo ebi: “Ebi omuntu atungire byona, akaabihayo ahabw’amagara ge. Kwonka mbwenu gorora omukono gwawe, okore aha magufa ge [ga Yobu] n’aha mubiri gwe, naija kukwehakana butunu.” (9 Waaba oine oburemeezi, manya ngu nibureetwaho ekihangirwe ekyo ekitarikureebwa. Sitaane na baadaimoni be, nibamanya ngu waahikwaho oburemeezi nooza kurekyera aho kuheereza Yehova. Kwonka aha rubaju orundi hariho Yehova n’Omwana we, abashukirweho amajuta, na baamaraika nyamwingi. Nibakushagika, nibakusiima ahabw’okugumisiriza buri izooba kandi okashagika Yehova ohikire kutegyeka. Yeshushanirize ngu Yehova ariyo naakugira ati: “Mwana wangye, gira obwengye oshemeze omutima gwangye, mbone kugarukamu ogwo otuura naanjuma.”—Enf. 27:11.
10. Aha bikwatiraine n’okugumisiriza noobaasa kutooreza ota Yesu?
10 Ta omutima aha birungi ebirikuruga omu kugumisiriza. Ka tugire ngu ori aha rugyendo ruraingwa omu kibira kikwataine, reero waayemerera ahagati omu kibira ekyo. Tihaine eki orikureeba kureka omwirima gwonka. Kwonka, oine obuhame ngu waagumizamu noogyenda noija kugaruka nooreeba ekyererezi. Nikyo kimwe, obumwe oburemeezi nibukumaramu amaani. Na Yesu naabaasa kuba yaayehuriireho atyo obumwe. Abasiisi bakamugambaho kubi, baamuhemura, kandi baamuhanika aha muti omu busaasi bwingi. Obu bukaba buri obwire bugumire ahariwe! Kwonka Yesu akagumisiriza ahabw’okuta omutima aha ‘kushemererwa okwabaire kutairwe omu maisho ge.’ (Heb. 12:2, 3) Akateekateeka aha birungi ebyabaire nibiija kuruga omu kugumisiriza, okweza eiziina rya Ruhanga, n’okworeka ngu Yehova niwe ahikire kutegyeka. Embeera egumire ei Yesu yaarabiremu ekaba eri ey’akaanya kakye, kwonka ekihembo kye eky’okuza omu iguru kikaba kiri eky’ebiro byona. Obunaku obu, noobaasa kuba oine obusaasi bwingi ahabw’okugyezibwa. Kwonka ijuka ngu obusaasi obu orikutunga omu muhanda gw’amagara agatahwaho n’okw’akaanya kakye.
“ABAGUMISIRIZA”
11. Ahabw’enki twine kuteekateeka ahari abo ‘abaagumisiriize’?
11 Tiitwe twenka abarikugumisiriza. Entumwa Petero arikuhiga Abakristaayo kugumisiriza oburemeezi oburikureetwaho Sitaane, akahandiika ati: “Mumurwanise, muhamire omu kwikiriza kwanyu, nimumanya ngu ab’eishe-emwe abari omu nsi yoona nabo bahikwaho obusaasi nk’obwanyu.” (1 Pet. 5:9) Abo ‘abaagumisiriize’ nibatuhwera kuguma tuhamire, kandi tukagira n’obuhame ngu naitwe nitubaasa kusingura, kandi nibatuhwera kwijuka ngu twaguma turi abeesigwa nitwija kutunga ebihembo. (Yak. 5:11) Ka tureebe bamwe aharibo. [1]
12. Nitwega ki ahari baakerubi abaabaire bahairwe omurimo gw’okurinda ekibanja Edeni?
[2] (Kut. 3:24) Buzima Baakerubi aba bakaba batahangirwe kukora omurimo ogu! Ahakuba ekibi n’obugomi bikaba bitari bimwe aha kigyendererwa eki Ruhanga yaabaire ainiire abantu. Kwonka tihaine ahu turikushoma ngu baakerubi abaabaire baine omwanya gw’ahaiguru, bakeetomboita ngu tibashemereire kukora omurimo ogu ogw’ahansi aharibo. Omurimo ogu tigurabatamire nari kubarusya. Omu mwanya gw’ekyo, bakahamira aha murimo gwabo kandi baagumisiriza, obundi kuhitsya omu bunaku bw’omwegyemure bwanyima y’emyaka erikurenga 1,600!
12 Baakerubi. Twaba twine obujunaanizibwa bugumire, nitubaasa kwega kugumisiriza twateekateeka aha byahangirwe eby’omwoyo ebi abantu baabandize kureeba. Yehova Ruhanga “akata baakerubi aha rubaju rw’oburugwa-izooba bw’ekibanja kya Edeni, na rurara erikumurinkana kandi erikuhindahinduka embaju zoona, okurinda omuhanda ogurikuza aha muti gw’amagara.”13. Niki ekyabaasiise Yobu kugumisiriza okugyezibwa kwe?
13 Omushaija wa ira Yobu. Ebigambo bya munywani waawe, nari omwe aha b’omu ka yaanyu byakumaramu amaani, nari waarwara endwara y’amaani, nari waaba oine obusaasi ahabw’okufeerwa omukundwa, ebyahikire ahari Yobu nibibaasa kukuhumuriza. (Yob. 1:18, 19; 2:7, 9; 19:1-3) N’obu Yobu araabe yaabaire atarikumanya obukomooko bw’oburemeezi bwe, tarahwairemu amaani. Ahabw’enki? Ahakuba akaba “atiina Ruhanga.” (Yob. 1:1) Yobu akaba amaririire kushemeza Yehova omu mbeera nungi n’embi. Arikuhwerwa Yehova, akateekateeka aha bintu by’omuhendo ebi Yehova yaabaire yaakozire arikukoresa omwoyo gwe gurikwera. Yobu akaba aine obwesigye ngu Yehova naija kuhezaho okugyezibwa oku, omu bwire bwe obuhikire. (Yob. 42:1, 2) Kandi kwo buzima eki nikyo kyabaireho. Yehova akamutambira “enaku ze; yaamushumbuusha ebirikwingana kabiri n’ebi yaafeereirwe.” Yobu akakura yaaba “omugurusi amazire emyaka mingi.”—Yob. 42:10, 17.
14. Kurugiirira aha 2 Abakorinso 1:6, okugumisiriza kwa Paulo kukahwera kuta abandi?
14 Entumwa Paulo. Mbwenu shi noohakanisibwa nari noohiiganisibwa abazigu b’okuramya okw’amazima? Ori omureeberezi w’ekibiina nari orikutaayaayira ebibiina, kandi noohurira emirimo ekuremereire? Teekateeka ahari Paulo. Akaba aine ebintu ebyabaire ‘bimuremereire’ nk’okuhiiganisibwa, n’okugira amaganya buri izooba ahabw’ebibiina. (2 Kor. 11:23-29) Kwonka, tararekyeire aho kugumizamu naaheereza, kandi eky’okureeberaho kye kikagaruramu abandi amaani. (Shoma 2 Abakorinso 1:6.) Ijuka ngu waagumisiriza oburemeezi, eky’okureeberaho kyawe nikihwera abandi kugumisiriza.
‘OKUGUMISIRIZA NIKWIJA KUHITSYA OMURIMO GWAKO’ OMURIIWE?
15, 16. (a) Ni ‘murimo’ ki ogu okugumisiriza kwine kuhitsya? (b) Ha eby’okureeberaho ebirikworeka oku turikubaasa ‘kureka okugumisiriza kukahitsya omurimo gwako.’
15 Ruhanga akahwera Yakobo kuhandiika ati: “Murekye okugumisiriza kuhitsye omurimo gwako.” Okugumisiriza kwine kuhitsya ‘murimo’ ki? Nikutuhwera ‘kuba abahikire omuri byona, tutaine ki tubuzirweho.’ (Yak. 1:4) Okugyezibwa nikworeka obweremwa bwaitu, ekyo kituhwera kumanya emitwarize ei twine kwongyeramu amaani. Kwonka ku turikugumisiriza omu kugyezibwa okwo, emitwarize yaitu y’Ekikristaayo neeba ehikire. Nk’eky’okureeberaho, okugumisiriza nikwija kutuhwera kumanya kutegyereza, kuba abarikusiima, nari abanyambabazi.
Ku turikugumisiriza omu kugyezibwa, emitwarize yaitu y’Ekikristaayo neeba ehikire (Reeba akacweka 15, 16)
16 Ahabw’okugira ngu okugumisiriza nikuhitsya omurimo gw’okuhamya emitwarize y’Ekikristaayo, toshemereire kuhenda emisingye y’Ebyahandiikirwe ahabw’okwenda kuruga omu kugyezibwa okurikukuhikaho. Nk’eky’okureeberaho, waaba oine ebiteekateeko bibi, omu mwanya gw’okwikiriza okagwa omu kwohibwa, shaba kutunga obuhwezi bw’okwetantara ebyetengo bibi. Noija kwongyera kuhamya omutwarize gwawe ogw’okwerinda. Mbwenu shi omu ka yaanyu harimu orikukuhiiganisa otari mu mazima? Omu mwanya gw’okwikiriza okoorobera abarikukuhiiganisa, mariirira kugumizamu n’omucwe gwawe gw’okwejumba omu kuramya okurikwera. Waagumizamu nookora otyo, noija kweyongyera kugira obwesigye omuri Yehova. Guma noijuka ngu kubaasa kusiimwa Ruhanga, twine kugumisiriza.—Rom. 5:3-5; Yak. 1:12.
17, 18. (a) Ha eky’okureeberaho kworeka obukuru bw’okugumisiriza kuhika aha muheru. (b) Obu emperu eri haihi kuhika, nitubaasa kugira buhame ki?
17 Tushemereire kugumisiriza kuhitsya aha muheru, beitu kutari kugumisiriza kumara akaire kakye. Nk’eky’okureeberaho: Ka tugire ngu obwato bwagwa omu nyanja. Abantu abarikuba nibabugyenderamu kubaasa kuhonokaho, baine kuteeraho kuziha bakaruga omu maizi. Omuntu orikurahuka kuruha akabirugaho hakirikuburayo akaanya kakye akahika aha nkungu, naaba naashushana n’ogwo owaaruha kare akabirugaho atakabaire kuhika aha nkungu. Naitwe twine kumariirira kugumisiriza kuhitsya obu turaahikye omu nsi ensya. Okutunga amagara agatahwaho nikurugiirira aha kugumisiriza kwaitu. Twine kugira emiteekateekyere nk’eya Paulo owaahandiikire emirundi ebiri ati: “Titurikuhwa matsiko.”—2 Kor. 4:?1, 16.
18 Nitubaasa kugira obwesigye tutarikubanganisa ngu Yehova naija kutuhwera kugumisiriza kuhika aha muheru. Nituba twine obuhame nk’obwa Paulo oburi omu Abarooma 8:37-39 obu: “Tusingwire nangwa n’okukiraho ahabw’Ogwo owaatukunzire. Ahakuba nimmanyira kimwe ngu okufa, n’obu gaakuba amagara, nari baamaraika, nari abarikutegyeka, nari ebiriho, nari ebiribaho, nari ab’obushoboorozi, nari oburaingwa obwa bwemi nari oburaingwa obw’okuzimu, n’obu kyakuba ekindi kintu kyona ekihangirwe, tihaine kiribaasa kututaanisa n’okukunda kwa Ruhanga okuri omuri Kristo Yesu Mukama waitu.” N’amazima, obumwe nitwija kuruha. Kwonka ka tuteereho kutooreza Gideoni hamwe n’abashaija be obu baabaire nibarwanisa abazigu baabo. Bakaruha, kwonka tibarabirugireho, kureka bakagumizamu “babakuratiire.”—Bar. 8:4.
^ [1] (akacweka 11) Noija kugarukamu amaani kureeba oku abaheereza ba Ruhanga ab’obunaku obu babaasize kugumisiriza. Nk’eky’okureeberaho, Yearbook eya 1992, 1999, na 2008 zirimu amakuru agarikukwata aha kwikiriza kw’ab’eishe-emwe kuruga Ethiopia, Malawi, na Russia.
^ [2] (akacweka 12) Baibuli terikworeka omuhendo gwa baakerubi abaabaire bahairwe omurimo ogu.