Twena titwine bwire burikumara bw’okweyegyesa. Nitubaasa kukoresa gye tuta obwire obu twine? Yetware waaba nooshoma. Noija kwongyera kugasirwa waayega bikye okabyetegyereza, omu mwanya gw’okwega bingi orikurahukiiriza.

Yebeembeze ebikuru. (Efe. 5:15, 16) Ebi ni bimwe aha bi orikubaasa kukora:

• Shoma Baibuli buri izooba. (Zab. 1:2) Entebeekanisa y’okushoma Baibuli ey’oruteerane rw’aha gati ya saabiiti ni nungi y’okutandikiraho.

• Tebeekanisa Omunaara gw’Omurinzi ogw’Okwega n’oruteerane rw’aha gati ya saabiiti. Ba oyeteekateekire kugarukamu.​—Zab. 22:22.

• Waatunga obwire, teeraho kushoma n’okureeba ebisya ebiri aha jw.org, nka magaziini, vidiyo n’ebindi.

• Condooza. Noobaasa kucondooza aha buremeezi obu orikurabamu, ekibuuzo eki oine, nari enshonga ei orikwenda kwetegyereza gye omu Baibuli. Kubaasa kutunga eby’okucondoozaho, za aha jw.org ahansi y’ekicweka “Bible Study Activities.”