Omushaija n’omukazi we abarikushoma ekyafaayo kimwe buri kasheeshe nibagira bati: “Okushoma ebyafaayo ebyo nikitugumya kandi kitureetera okushemererwa. Nibitwijutsya ngu naitwe nitubaasa kuguma turi abeesigwa omu mbeera zoona.” Munyaanyazi-itwe orikwehurira nkabo akahandiika ati: “Ebyafaayo ebyo nibihuumuriza, nibihiga, kandi nibishemeza. Nibyoreka ngu ab’eishe-emwe na banyaanyazi-itwe baine ekigyendererwa n’okumarwa. Ebyafaayo byabo nibimpiga kwongyera kukora bingi omu buheereza kandi nibimpwera kutendeka abaana bangye kuheereza Yehova omu buheereza obw’obutwire.”

Ebyafaayo nibibaasa kukuhiga kutaho ebigyendererwa by’omwoyo n’okubihikiiriza, kusingura obweremwa, n’okugumisiriza okugyezibwa oine okushemererwa kandi ori omwesigwa. Ebyafaayo ebi noobaasa kubishanga nkahi?

• Reeba ebicweka ebikurataine “Life Stories of Jehovah’s Witnesses” aha jw.org na JW Library®.

• Sherura “Life Stories of Jehovah’s Witnesses” omu Watchtower ONLINE LIBRARY^™ na Watchtower Library.