Nituramya Yehova nka guruupu aha nteerane z’ekibiina, ez’ekiro kimwe, n’ez’ebiro bishatu kandi nitumuramya turi twenka omu maka gaitu. Obu n’obuhabuzi oburikubaasa kukuhwera omu kuramya kwawe nari okw’eka:

• Tebeekanisa enteerane z’ekibiina. Noobaasa kwegyezamu omu byeshongoro kandi ohwere ab’eka yaawe kutebeekanisa eky’okugarukamu.

• Shoma ebiri omu Baibuli. Bwanyima, oteere ekishushani ky’ebyabaireho nari ohandiike eki waayega.

• Shwijuma okushaba okuri omu Baibuli, kandi oteekateekye oku orikubaasa kwongyera aha mutindo gw’okushaba kwawe.

• Reeba vidiyo y’ekibiina kandi ogigaaniireho n’abandi nari ohandiikye ebirikugikwataho.

• Yetebeekanisize okubuurira, obundi orikwegyezamu omu nyanjura ei oraakorese.

• Reeba ebyahangirwe kandi oteekateekye aha ki birikukwegyesa ahari Yehova. a