Ta Obwesigye omu Mwebembezi Waitu—Kristo
“Mwine Omukama [Omwebembezi] omwe, niwe Kristo.”—MATAYO 23:10.
EKYESHONGORO: 14, 30
1, 2. Yoshua akaba aine bujunaanizibwa ki obw’amaani bwanyima ya Musa kufa?
YEHOVA akagambira Yoshua ati: “Musa omugaragwa wangye afiire; n’ahabw’ekyo imuka, oyambukye omugyera ogu Yorudani, iwe n’eihanga eri ryona.” (Yoshua 1:1, 2) Egi ka yaabaire ari empindahinduka mpango ahari Yoshua owaabaire ari omuheereza wa Musa kumara emyaka nka 40!
2 Musa akaba ayebembeire Abaisraeli kumara obwire buraingwa, kwonka hati Yoshua niwe yaabaire naaza kubeebembera. N’ahabw’ekyo naabaasa kuba yaayebuurize yaaba abantu nibaija kumwikiriza kuba omwebembezi waabo. (Eky’Ebiragiro 34:8, 10-12) Ekitabo kimwe ekirikushoboorora ahari Baibuli nikigamba ahari Yoshua 1:1, 2, ngu bumwe aha bwire bugumire kandi obw’akabi aha ihanga, yaaba ira nari hati n’okuhindura omwebembezi.
3, 4. Yehova akaha ata Yoshua emigisha ahabw’okumwesiga, kandi nitubaasa kwebuuza kibuuzo ki?
Yoshua 1:9-11) Ruhanga akaha Yoshua emigisha ahabw’okumwesiga, kandi akakoresa maraika kumuhabura hamwe n’Abaisraeli abandi. Maraika ogu naabaasa kuba yaabaire ari Kigambo, Omwana wa Ruhanga omujigaijo.—Okuruga 23:20-23; Yohaana 1:1.
3 Yoshua akaba ahikire kwerarikirira. Kwonka akeesiga Yehova kandi akarahuka kukuratira obuhabuzi bwe. (4 Yehova akahwera Abaisraeli kworobera empindahinduka ezaabaireho ahabw’okutunga omwebembezi musya Yoshua. N’obunaku obu, nihabaho empindahinduka mpango. Nitubaasa kwebuuza ngu, ‘obu ekibiina kya Yehova kirikweyongyera kutunguuka, twine enshonga zihikire ezishemereire kutureetera kwesiga Yesu omwebembezi waitu?’ (Shoma Matayo 23:10.) Kubaasa kugarukamu ekibuuzo eki, nituza kushwijuma oku Yehova yaayebembeire abaheereza be ira obu haabaho empindahinduka.
OKUHITSYA ABANTU BA RUHANGA OMU NSI EYAARAGANISIIBWE
5. Niki ekyahikire ahari Yoshua ekitari kya butoosha obu yaabaire ari haihi na Yeriko? (Reeba ekishushani aha kutandika.)
5 Ahonaaho Abaisraeli ku baaherize kwambuka Yorudaani, Yoshua akahikwaho ekintu ekitari kya butoosha. Haihi na Yeriko, akabuganaho omushaija aine rurara. Yoshua akabuuza omushaija ogwo ati: “Ori ow’orubaju rwaitu, nari orw’abazigu?” Yoshua akatangaara omushaija ku yaamugizire ngu akaba ari “omukuru w’eihe rya” Yehova, maraika owaabaire ayeteekateekire kurinda abaheereza ba Yehova. (Shoma Yoshua 5:13-15) N’obu ebyahandiikirwe ebindi biraabe nibigira ngu Yehova niwe yaabaire naagamba butunu na Yoshua, kwonka nikireebeka akaba naakoresa maraika kumujwekyera nk’oku yaabaire atwire naakora ira.—Okuruga 3:2-4; Yoshua 4:1, 15; 5:2, 9; Ebyakozirwe 7:38; Abagalatia 3:19.
6-8. (a) Ahabw’enki obuhabuzi bwa maraika nibubaasa kuba bwareebekire nk’obutari burungi? (b) Nitumanya tuta ngu obuhabuzi obu bukaba buri obw’obwengye kandi ngu bukaija omu bwire obuhikire? (Reeba obugambo obw’ahansi.)
6 Maraika akagambira Yoshua kyenyini eki yaabaire aine kukora kubaasa kusingura Yeriko. Omu kubanza, obuhabuzi obumwe nibubaasa kuba bwareebekire nk’obutarikwetegyerezibwa. Nk’eky’okureeberaho, maraika akagambira Yoshua kushara abaserukare boona. Eki kikaba nikimanyisa ngu nibaija kumara ebiro batarikubaasa kurwana. Mbwenu shi obu bukaba buri obwire burungi bw’okushara abashaija aba?—Okutandika 34:24, 25; Yoshua 5:2, 8.
7 Abaserukare nibabaasa kuba baayebuurize ngu, ‘nitwija kurinda tuta amaka gaitu abazigu baataahirira ensiisira zaitu?’ Kwonka hakabaho ekintu eki baabaire batarikuteekateeka! Abashaija ba Yeriko omu mwanya gw’okutaahirira Abaisraeli, bakabatiina. Nitushoma tuti: “Yeriko ekaba ekingiirwe kimwe ahabw’okutiina Abaisraeli; tihaine waabaire naashohora n’obu kwakuba okutaaha.” (Yoshua 6:1) Amakuru aga gashemereire kuba gaareeteire Abaisraeli kwongyera kwesigira kimwe Ruhanga!
8 Maraika akagambira Yoshua ngu Abaisraeli tibashemereire kutaahirira Yeriko. Omu mwanya gw’ekyo, bakaba baine kwetoorora orurembo omurundi gumwe buri izooba kumara ebiro mukaaga, kandi emirundi mushanju aha kiro kya mushanju. Abaserukare nibabaasa kuba baateekateekire bati: ‘Oku ka n’okushiisha obwire n’amaani!’ Kwonka Yoshua 6:2-5; Abaheburaayo 11:30 * (Reeba obugambo obw’ahansi.)
Omwebembezi w’Abaisraeli owaabaire atarikureebwa akaba naamanya gye eki ariyo naakora! Abaisraeli ku baakuratiire obuhabuzi bwe kikongyera kuhamya okwikiriza kwabo, kandi bakaba bataine kurwana n’abaserukare ba Yeriko.—9. Ahabw’enki tushemereire kukuratira buri buhabuzi obu ekibiina kya Yehova kirikutuha? Ha eky’okureeberaho.
9 Nitubaasa kwegyera ki aha businguzi obu? Obumwe ekibiina kya Yehova nikikora ebintu omu muringo musya, kandi nitubaasa kuteetegyereza enshonga ahabw’enki. Nk’eky’okureeberaho, omu kubanza nitubaasa kuba twabaire nituteekateeka ngu ti ky’obwengye okukoresa esimu na tabuleti omu kweyegyesa, omu kubuurira, nari omu nteerane. Kwonka hati nitubaasa kuba nitureeba emigasho y’okubikoresa kyaba nikibaasika. Twareeba ebirungi ebirugire omu mpindahinduka ezi, okwikiriza kwaitu nikweyongyera kuhama, kandi obumwe bwaitu n’ab’eishe-emwe nibweyongyera kuhama.
KRISTO AKEEBEMBERA ATA ABAKRISTAAYO ABA IRA?
10. N’oha buzima owaateireho entebeekanisa y’oruteerane rukuru orurikukwata aha kusharwa orw’akakiiko akareeberezi omuri Yerusaalemu?
10 Emyaka nka 13 bwanyima ya Koruneelio Omunyaihanga otashazirwe kuhinduka Omukristaayo, Abakristaayo Abayudaaya abamwe bakaba nibakiteekateeka ngu okusharwa nikwetengyesa. (Ebyakozirwe 15:1, 2) Omuri Antiokia, ab’eishe-emwe bakaba nibahajaana aha nshonga egi. N’ahabw’ekyo abareeberezi bakakora entebeekanisa ngu Paulo agyende abuuze akakiiko akareeberezi omuri Yerusaalemu aha nshonga egi. Kwonka shi n’oha buzima owaabaire naamutebeekanisiza kugyenda? Paulo naashoboorora ati: ‘Nkainamukayo ahabw’ebi naashuururiirwe.’ Buzima, Kristo niwe yaabaire ari enyima y’enshonga egi kugira ngu eshoboororwe akakiiko akareeberezi.—Abagalatia 2:1-3.
Kristo niwe yaabaire naayebembera ekibiina Ekikristaayo omu kyasha ky’okubanza (Reeba akacweka 10, 11)
11. (a) Ni nshonga ki erikukwata aha kusharwa eyaabaire neekiteganisa Abakristaayo Abayudaaya? (b) Paulo akooreka ata omu bucureezi ngu naashagika abareeberezi b’omuri Yerusaalemu? (Reeba n’obugambo obw’ahansi.)
11 Kristo akahwera akakiiko akareeberezi kworeka gye ngu Abakristaayo abatari Bayudaaya kikaba kitarikubeetengyesa kusharwa. (Ebyakozirwe 15:19, 20) Kwonka na bwanyima y’emyaka, Abakristaayo Abayudaaya abaingi bakagumizamu nibashara abaana baabo. Bwanyima abareeberezi omuri Yerusaalemu bakahurira orugambo ngu Paulo tarikuha ekitiinisa Ebiragiro bya Musa. N’ahabw’ekyo abareeberezi aba bakashaba Paulo kukora ekintu ekyabaire nikiija kworeka ngu naaha Ebiragiro ekitiinisa. * (Reeba obugambo obw’ahansi.) (Ebyakozirwe 21:20-26) Bakamugambira kutwara abashaija bana omu hekalu kugira ngu abantu babaase kureeba ngu Paulo naaha Ebiragiro ekitiinisa. Paulo naabaasa kuba yaateekateekire ngu ‘eki tikirikukora makuru! Ahabw’enki nimmunshaba kukora ekintu nk’eki? Abakristaayo Abayudaaya abatarikwetegyereza enshonga y’okusharwa nibo baine oburemeezi.’ Kwonka Paulo akeetegyereza ngu abareeberezi nibenda ngu Abakristaayo boona bagire obumwe, n’ahabw’ekyo akaikiriza obuhabuzi. Kwonka, nitubaasa kwebuuza ahabw’enki Yesu yaikiriize enshonga y’okusharwa kugumizamu kuba oburemeezi kumara obwire buraingwa obwo, n’obu Ebiragiro bya Musa byabaire byahendeire ahabw’okufa kwe.—Abakolosai 2:13, 14.
12. Niki ekirikubaasa kuba kyareeteire Kristo kureka obwire kuhinguraho atakashobooroire enshonga y’okusharwa?
12 Nikibaasa kutwara obwire kwikiriza empindahinduka nsya. Abakristaayo Abayudaaya abamwe bakaba nibeetenga obwire kwikiriza ngu bakaba batakitegyekwa Biragiro. (Yohaana 16:12) Bakaba nibamanya ngu okusharwa n’akamanyiso akarikworeka ku baine omukago gw’omutaano na Ruhanga. (Okutandika 17:9-12) Abandi bakaba batiinire ngu Abayudaaya bagyenzi baabo nibaija kubahiiganisa baaba ab’omutaano. (Abagalatia 6:12) Kwonka bwanyima y’obwire, Kristo akakoresa Paulo kubaha obuhabuzi kurabira omu mabaruha.—Abarooma 2:28, 29; Abagalatia 3:23-25.
KRISTO NAAKYEBEMBERA EKIBIINA
13. Niki ekirikubaasa kutuhwera kushagika omuringo ogu Kristo arikutwebemberamu obunaku obu?
13 Kristo na hati naakyebembera ekibiina Ekikristaayo. N’ahabw’ekyo ekibiina kyakora empindahinduka ei otarikwetegyereza, Abaheburaayo 13:8.
teekateeka aha muringo ogu Kristo yaayebembeiremu abantu ba Ruhanga ira. Yaaba omu bunaku bwa Yoshua nari omu bwire bw’entumwa, Kristo atwire naaha abaheereza ba Ruhanga obuhabuzi burungi, arikuhamya okwikiriza kwabo, kandi arikubahwera kugira obumwe.—Obuhabuzi obu omwambari omwesigwa arikutuha obunaku obu nibworeka ngu Yesu naatufaho
14-16. Obuhabuzi ‘bw’omwambari omwesigwa kandi ow’obwengye’ nibuhamya buta ngu Kristo naayenda kutuhwera kuguma twine okwikiriza kuhami?
14 Obunaku obu, ‘omwambari omwesigwa kandi ow’obwengye’ naatuha obuhabuzi omu bwire obu turikuba nitubwetenga. (Matayo 24:45) Obuhabuzi obu nibworeka ngu Yesu naatufaho. Marc, oine abaana bana, naagira ati: “Sitaane naateeraho kumaramu amaani ebibiina arikutaahirira amaka. Hati obu turikuhigwa kugira okuramya kw’eka buri saabiiti, obu n’obutumwa bwa baanyineeka oburikubahwera kumanya ngu baine kurinda amaka gaabo!”
15 Twareeba oku Kristo arikutwebembera, nitwija kwetegyereza ngu naayenda kutuhwera kuhamya okwikiriza kwaitu. Nk’eky’okureeberaho, omureeberezi orikwetwa Patrick naagira ati: “Omu kubanza, abamwe bakaba nibareeba ngu nikimaramu amaani kugira enteerane z’okwetebeekanisa kuza kubuurira eza guruupu nkye omu wiikenda.” Kwonka naagira ngu empinduka egi neeyoreka oku Yesu arikufayo ahari buri omwe omu kibiina. Nk’eky’okureeberaho, ab’eishe-emwe na banyaanyazi-itwe abamwe abaabaire baine enshoni nari batarikukira kuza omu kubuurira hati nibeehurira ngu nibeetengwa kandi n’ab’omugasho. Eki kihamize okwikiriza kwabo.
16 Kandi Kristo naatuhwera kuguma tutaire omutima aha murimo gwaitu gw’okubuurira, ogurikukirayo obukuru omu nsi obunaku obu. (Shoma Mako 13:10.) André, omureeberezi musya, atwire naateeraho kukuratira obuhabuzi bw’ekibiina kya Yehova. Naagira ati: “Okutuubya aha Babeseeli nikitwijutsya obukuru bw’obwire obu turimu n’ekyetengo ky’okuta omutima aha murimo gw’okubuurira.”
NITUBAASA KUSHAGIKA TUTA OBUHABUZI BWA KRISTO?
17, 18. Ahabw’enki nitugasirwa twata omutima aha birungi ebirikuruga omu mpindahinduka ezirikubaho?
17 Obuhabuzi obu turikutunga kuruga ahari Yesu Kristo, Omugabe waitu orikutegyeka omu iguru, nibuza kutuhwera hati n’omu biro by’omumaisho. Teeraho kuta omutima aha miringo ei ogasiirwe ahabw’okukuratira empindahinduka eziherize kubaho. Omu kuramya kwanyu kw’eka, nimubaasa kugaaniira aha ku empindahinduka omu nteerane nari omu buheereza zihwereire eka yaanyu.
Noohwera eka yaawe n’abandi kworobera empindahinduka ezirikubaho omu kibiina kya Yehova? (Reeba akacweka 17, 18)
18 Twamanya ngu okukuratira obuhabuzi bw’ekibiina kya Yehova niharugamu ebirungi, nikiija kutworobera kubukuratira, reero tutungye okushemererwa. Nk’eky’okureeberaho, ahabw’okugira ngu titwakiteera ebitabo bingi nka ira, nikituhwera kutashohoza esente nyingi. Kandi ahabw’okugira ngu nitukoresa entunguuka nsya omu nkora y’ebintu, nitubaasa kuhitsya aha bantu baingi amakuru marungi. Mbwenu shi iwe nk’omuntu noobaasa kuteeraho kwongyera kukoresa munonga ebitabo eby’aha mukura n’omukura gwaitu? Ogu n’omuringo gumwe gw’okworeka ngu nitushagika Kristo, orikwenda ngu tukorese ebintu by’ekibiina omu bwengye.
19. Ahabw’enki twine kushagika obuhabuzi bwa Kristo?
19 Twashagika obuhabuzi bwa Kristo, nituhwera ab’eishe-emwe na banyaanyazi-itwe kugira okwikiriza kuhami, kandi nitweyongyera kugira obumwe. André naagamba aha mpinduka y’okutuubya Ababeseeli omu nsi yoona ati: “Abaabaire bari Ababeseeli ahabw’okworeka omutima murungi bakaikiriza empinduka, nikindeetera kwesiga obwebembezi bwa Kristo n’okuha ab’eishe-emwe aba ekitiinisa. Nibagyendera hamwe n’ekigaari kya Yehova reero batunga okushemererwa omu buheereza bwona obu barikuheebwa.”
IKIRIRIZA OMU MWEBEMBEZI WAITU KANDI OMWESIGYE
20, 21. (a) Ahabw’enki nitubaasa kwesiga Kristo Omwebembezi waitu? (b) Nituza kugarukamu kibuuzo ki omu kicweka ekirikukurataho?
20 Juba Omwebembezi waitu, Yesu Kristo, naija “kusingurira kimwe” kandi naija kukora ebintu by’ekitiinisa. (Okushuuruurwa 6:2; Zaaburi 45:4) Kwonka na hati ariyo naatutebeekanisa kwija kutunga amagara agatahwaho omu nsi ensya n’emirimo ei turikwija kukorayo, twaba nitwegyesa abaraazoorwe turikuhindura n’ensi paradiso.
21 Twaguma nitwesiga Omwebembezi waitu kandi Omugabe waitu n’obu haakubaho ki, naija kutwebembera kutuhitsya omu nsi ensya. (Shoma Zaaburi 46:1-3.) Obunaku obu, empindahinduka nizibaasa kuguma na munonga twaba tutarikuteekateeka ngu niziza kubaho. Ekyo kyabaho, nitubaasa kuguma tuta twine obusingye n’okwikiriza kuhami? Nituza kugarukamu ekibuuzo eki omu kicweka ekirikukurataho.
^ kacw. 8 Abarikwetegyereza ebizoirwe omu itaka bakashanga eby’okurya by’embibo bingi omu bishenyuka bya Yeriko, ahakuba abantu bakabishaaruura kwonka tibarabiriire. Eki nikihikaana n’ebiri omu Baibuli, ebirikworeka ngu okutaahirira kukamara obwire bukye, kandi ngu Abaisraeli tibaraikiriziibwe kurya eby’okurya bya Yeriko. Obu ryabaire riri ishaaruura, bukaba buri obunaku burungi bw’Abaisraeli kuhamba Yeriko, ahakuba emisiri ekaba erimu eby’okurya bingi.—Yoshua 5:10-12.
^ kacw. 11 Reeba akabokisi “Omu Bucureezi Paulo Akasingura Okugyezibwa” omu Watchtower, ey’Okwakashatu 15, 2003, orupapura 24.