4. Abantu Abatarikukunda Baabo

‘Abantu nibaija kuba . . . batarikukunda ab’amaka gaabo.’​—2 TIMOSEO 3:1-3, Ekigambo kya Ruhanga, Baibuli

● Chris naakora omu kitongore erikuhwera aha butabanguko by’omu maka omuri North Wales. “Ninyijuka omukazi omwe owaabaire ahuutaziibwe munonga nkaba ntarikubaasa n’okumwijuka kuruga obu naabanza kumureeba,” nikwo Chris arikugira. “Abakazi abandi nibaba nibeehurira kubi batarikwenda n’okureeba omuntu.”

OBUHAME NIBWOREKA KI? Omu ihanga rimwe ry’Africa, haihi omukazi 1 ahari 3 naatorobozibwa omu buto. Okucondooza okwakozirwe omu ihanga niryo rimwe kukooreka ngu kimwe kya kashatu ky’abashaija bakagira ngu kihikire kuteera abakazi baabo. Kwonka, abakazi tibo bonka abarikutwarizibwa kubi omu ka. Nk’eky’okureeberaho omuri Canada, haihi abashaija 3 ahari 10 nibabaasa kuba nibatuntuzibwa abakundwa baabo.

ABANTU BAINGI NIBAKIRA KUGAMBA KI? Hatwire nihabaho obutabanguko omu maka. Obunaku obu kyongyeire kumanywa gye okukira ira.

EKI BARIKUGAMBA SHI KIHIKIRE? Okumanya ngu hariho obutabanguko omu maka kiizire kweyongyera omu myaka mikye ehingwireho. Kwonka shi okumanya ngu hariho oburemeezi obwo kituubize aha obutabanguko bw’omu maka? Ngaaha, ekyo tikwo kiri. Rwango omu maka neeyeyongyera.

NOOTEEKATEEKA KI? Mbwenu shi ebiri omu 2 Timoseo 3:1-3 biriyo nibihikiirira? Baingi shi tibarikukunda baabo ekintu ekishemereire kuba nikyereeta?

Obunabi bwa kataano oburiyo nibuhikiirira nibutwariramu eka yaitu, niyo nsi. Yetegyereze eki Baibuli erikugamba aha nshonga egyo.

[Ebigambo ebitoorainwe]

“Obutabanguko omu maka kyetegyereziibwe ngu ni bumwe aha bihagaro ekitarikukira kumanyisibwa ab’obushoboorozi. Omukazi naabaasa kuhutaazibwa iba haihi emirundi nka 35 atakagire aha poriisi kumutabaariza.”​—OMUKAZI OMUGAMBIRIZI W’OBUTAMBANKUKO OMU MAKA OMURI WALES.