Cigwatho ca Nkhani za m’Bibliya
Kuyambira kale-kale wanthu azinji akhala nalo Bibliya ndipo azinji ambalifuna. Tsono, pinango mungabzibvunze kuti: ‘Kodi bukhu lakubvekerali lina nkhani ziponi?’
Broxura lakuti Kodi Baibulo Lili Ndi Uthenga Wotani? lina Cigwatho ca Nkhani za m’Bibliya zomwe zingakuthandizeni kubvesesa nkhani ikulu ya m’Bibliya lentse. Broxura limweri lina cigwatho ca nkhani za m’Bibliya, kuyambira bukhu la Ciyambo mpaka bukhu la Apokalipse lomwe limbafotokoza bza cidikhiro cathu ca kutsogolo. Broxura limweri lina mfolo omwe umbalatiza nthawe yomwe nkhani inango yakufunika idacitika. Mu broxurali bziripombo bzithunzi-thunzi bzakudeka kwene-kwene na mibvunzo yakufunika kuti munthu anyang’ane mitawiro.
Werengani broxura lakuti Kodi Baibulo Lili Ndi Uthenga Wotani? pa internet m’chichewa.
Imwepo Mungakomedwembo na
BZINTHU BZAKUTHANDIZA PAKUPFUNZA BIBLIYA
Vesi la Ntsiku
Kuwerenga kabukhu ka Kupfunza Mavesi Ntsiku na Ntsiku ni cinthu comwe cimbacita mbali ya kunamata kwathu ntsiku zentse. Iko kana vesi la m’Bibliya la ntsiku iri-yentse pabodzi na ndime yomwe ikufotokoza vesiro.
BZINTHU BZAKUTHANDIZA PAKUPFUNZA BIBLIYA
Bukhu Lomwe Lingakuthandizeni Kubvesesa Bwino Bibliya
Bukhu la Estudo Perspicaz das Escrituras thangwe lina nkhani zomwe zimbalewa bzinthu bzakusiyana-siyana. Iro limbalewa bza wanthu, mbuto, miti, bzirombo, bzinthu bzakufunika bzomwe bzidacitika na mafala yakuyezezera ya m’Bibliya. Mukacita kubaxari bukhu limweri, muniwona mapa bzithunzi-thunzi, tumisolo twa nkhani na índice ya mavesi.
BZINTHU BZAKUTHANDIZA PAKUPFUNZA BIBLIYA
Mapa ya m’Bibliya
Kabukhu kakuti “Onani Dziko Lokoma” kana mapa na Bzithunzi-thunzi bza mbuto zakusiyana-siyana zakufotokozedwa m’Bibliya, maka-maka dziko lomwe Mulungu adapasa Ajirayeri. Ndipo kambalatiza dziko limweri mu nthawe zakusiyana-siyana.