Mapa ya m’Bibliya
Kabukhu kakuti “Onani Dziko Lokoma” kana mapa ya m’Bibliya yomwe ingakuthandizeni kudziwa bzizinji pakucita pfunziro la pamwekha. Bibliya limbalewa bza mbuto, mizinda na madziko mazinji. Kabukhu kamweka kan’kuthandizani kuti mukambawerenga Bibliya mumbawone ninga kuti nkhani yomwe mukuwerengayo ikucitikadi. Kabukhu kakuti “Onani Dziko Lokoma” kan’kuthandizani kuwona na kuzindikira mbuto zomwe nkhani za m’Bibliya zidacitikira. Ndipo kan’kuthandizanimbo kubvesesa kuti thangwe ranyi nkhani zinango zidacitika tenepo.
Kabukhu kakuti “Onani Dziko Lokoma” kana makwadru na mapa bzakuwoneka bwino bza mbuto zakusiyana-siyana za m’Bibliya. Kabukhu kamweka kana bzithunzi-thunzi bzakukonzedwa na komputadori na bzinthu bzinango kuti bzicitise kuti pfunziro lanu la pamwekha likhale lakudekedza.
Kabukhu kamweka kan’dzakuthandizani
kubvesesa maulendo ya Abalahamu, Izaki na Djakobo
kuwona njira yomwe Ajirayeri adapita nayo pakucoka ku Edjipito kuyenda ku dziko lomwe Mulungu angadawapasa
kuwona mbuto zomwe Ajirayeri akhakhala na za anyamadulanthaka wawo
kuwona mbuto zomwe Jezu adapita pomwe akhacita utumiki bwace
kubvesesa kukula kwa mphimpha yomwe ikhatongedwa na maumambo yomwe yambafotokozedwa m’Bibliya, kuphatanidzambo Babiloniya, Gresiya na Roma
Mungagumane kabukhu kamweka mu BIBLIOTEKA YA PA INTERNETI ya Watchtower m’chichewa.
Imwepo Mungakomedwembo na
BZINTHU BZAKUTHANDIZA PAKUPFUNZA BIBLIYA
Vesi la Ntsiku
Kuwerenga kabukhu ka Kupfunza Mavesi Ntsiku na Ntsiku ni cinthu comwe cimbacita mbali ya kunamata kwathu ntsiku zentse. Iko kana vesi la m’Bibliya la ntsiku iri-yentse pabodzi na ndime yomwe ikufotokoza vesiro.
BZINTHU BZAKUTHANDIZA PAKUPFUNZA BIBLIYA
Bukhu Lomwe Lingakuthandizeni Kubvesesa Bwino Bibliya
Bukhu la Estudo Perspicaz das Escrituras thangwe lina nkhani zomwe zimbalewa bzinthu bzakusiyana-siyana. Iro limbalewa bza wanthu, mbuto, miti, bzirombo, bzinthu bzakufunika bzomwe bzidacitika na mafala yakuyezezera ya m’Bibliya. Mukacita kubaxari bukhu limweri, muniwona mapa bzithunzi-thunzi, tumisolo twa nkhani na índice ya mavesi.
BZINTHU BZAKUTHANDIZA PAKUPFUNZA BIBLIYA
Cigwatho ca Nkhani za m’Bibliya
Broxura lakuti Kodi Baibulo Lili Ndi Uthenga Wotani? limbafotokoza cigwatho ca nkhani za m’Bibliya na kubvekesambo nkhani ikulu ya m’Bibliyalo.