Tin’funika kumbapemba kwa Mulungu m’dzina la Jezu thangwe imweyi ndiyo njira yokha yomwe Mulungu ambabvuma kuti tifike kuna Iye. Ndipopa Jezu adati: ‘Inepano ndine njira, cadidi na moyo. Palibe omwe angafike kuna Baba, acisaya kupita na mwa inepano.’ (Juwau 14:6) Jezu adalewambo kwa apostolo wace wakukhulupirika kuti: ‘Ndin’kuuzani na cadidi cense kuti mukakumbira Baba cinthu ciri-cense, iye an’dzakupasani mu dzina langu.’—Juwau 16:23.

Mathangwe manango ya kupemba kwa Mulungu mu dzina la Jezu

• Timbalemekeza Jezu na Baba wace, Yahova.—Wafiripo 2:9-11.

• Timbalatiza kuti timbatenda infa ya Jezu ninga njira yomwe Mulungu adakonza kuti tidzapulumuke nayo.—Mateu 20:28; Mabasa 4:12.

• Timbazindikira kuti Jezu yekha ndiye omwe ambaimirira pakati pa ife na Mulungu.—Wahebereu 7:25.

• Timbalemekeza utumiki bwa Jezu ninga Mkulu wa Ansembe omwe angatithandize kukhala wanthu wakubvumidwa na Mulungu.—Wahebereu 4:14-16.