Kodi Mulungu Ana Madzina Mangasi?
Bzomwe Bibliya limbalewa
Mulungu ana dzina libodzi basi. Mu Cihebereu limbanembedwa kuti יהוה ndipo mu cinyungwe kawiri kawiri limbasandulizidwa kuti “Yahova”. * Mwakuphatisa basa mpolofeta Zaiya, Mulungu adalewa kuti: ‘Ine ndine Yahova. Limweri ndiro dzina langu.’ (Zaiya 42:8) Dzina lakuti “Yahova” limbagumanika maulendo 7.000 mu bzinembo bzakale-kale bza m’Bibliya. Palibe dzina linango lomwe limbagumanika kwene-kwene m’Bibliya ninga limweri. Dzina limweri limbagumanika kwene-kwene kuposa dzina liri-lentse la ulemu la Mulungu. *
Kodi Mulungu ana madzina manango?
Napo Bibliya limbalewa kuti Mulungu ana dzina libodzi basi, iro limbaphatisambo basa madzina manango ya ulemu ayai mafala yomwe yambalewa bza iye. Madzina ya ulemu ayai mafala yomwe yambafotokoza bza Mulungu yali m’nyantsimu, ndipo iyo yambafotokoza momwe dzina liri-lentse likulatizira momwe Yahova aliri na unthu bwace.
Dzina la Ulemu |
Pomwe Likugumanika |
Thandauzo |
|---|---|---|
Alá |
(Palibe) |
Fala lakuti “Alá” ni dzina lini cairo la Mulungu koma ni fala la udindo la m’Ciarabe lomwe limbathandauza kuti “Mulungu.” Mu mabibliya ya m’Ciarabe na bzirewedwe bzinango bzimbaphatisira basa fala lakuti “Alá” kuthandauza “Mulungu.” |
Wamphanvu-zentse |
Ana mphanvu zomwe palibe winango angakhale nazo. Fala la Cihebereu lakuti ‘El Shad·dai’ limbathandauza kuti “Mulungu wamphanvu-zentse” ndipo m’Bibliya limbagumanika kanomwe basi. |
|
Alfa na Omega |
Alfa ni cinembo cakuyambirira m’cigirego ndipo Omega ni cinembo cakumalizira. Fala limweri limbathandauza “wakuyamba na wakumalizira” ayai “ciyambi na cimaliziro.” Bzimwebzi bzikuthandauza kuti akanati kuwoneka ndipo cipo an’dzawoneka Mulungu wamphanvu-zentse omwe an’dzaposa Yahova.—Zaiya 43:10. |
|
Wa Ntsiku Zizinji |
Mulungu alibe ciyambi. Iye alipo kuyambira kale-kale kuposa cinthu ciri-centse ayai munthu ali-wentse.—Psalymo 90:2. |
|
Mulengi |
Zaiya 40:28 |
Mulungu ndiye adalenga bzinthu bzentse. |
Pai |
Iye ndiye mwenekaciro moyo. |
|
Mulungu |
Cinthu ciri-centse comwe cimbanamatidwa cingacemeredwe kuti “mulungu.” Fala limweri limbathandauzambo “Mphanvu; Wamphanvu kwene-kwene.” Mu Cihebereu fala lakuti ‘Elo·him’ lomwe limbathandauza “Mulungu,” limbalewa bzinthu bzizinji sikuti cibodzi ndipo limbalatiza kukula na ubwino bwa Yahova. |
|
Mulungu wa mirungu |
Bzakutonga 10:17 |
Fala limweri limbaphatisidwa basa pakulatiza kuti Yahova ni Mulungu wapadzulu kwene-kwene kuposa “mirungu yakusaya basa” yomwe wanthu winango ambainamata.—Zaiya 2:8. |
Mulangizi Mkulu |
Zaiya 30:20, 21 |
Ambatipfunzisa ndipo ambatipasa malango yakuthandiza.—Zaiya 48:17, 18. |
Misiri Mkulu |
Psalymo 149:2 |
Adalenga bzinthu bzentse bzomwe bziripobzi.—Cibvumbulutso 4:11. |
Mulungu Wakukondwa |
Ni Mulungu wakukondwa na wakupfatsa.—Psalymo 104:31. |
|
Mbveseri wa mpembo |
Psalymo 65:2 |
Ambabva mipembo yentse yomwe imbaperekedwa kwa iye na mtima wentse. |
Ine Ndine Momwe Ndiriri |
Kufuluka 3:14, Buku Lopatulika Ndilo Mawu a Mulungu |
Iye ambabzicitisa kukhala comwe an’funa kuti akwanirise bzomwe an’funa. Mafala yamweya yadasanduliziridwambo kuti “Nin’dzakhala Ciri-centse Comwe Ndikufuna” ayai “Inepano Nin’dzakhala Bzomwe Nin’dzafune Kukhala.” (Bíblia Enfatizada, de Rotherham; Tradução do Novo Mundo) Bzimwebzi bzimbathandiza kufotokoza thandauzo la dzina la Mulungu lakuti Yahova, lomwe liri pa Kufuluka 3:15. |
Ncanje |
Mulungu ambafuna kuti ifepano tinamate iye yekha basi. Mafala yamweya yambasandulizirimbo kuti “ambafuna lini kuti mukhale na mirungu inango” ayai “ambafuna kuti wanthu ambanamate iye basi.”—Tradução da Sociedade Bíblica Portuguesa; Tradução do Novo Mundo. |
|
Mambo wa nthawe zentse |
Utongi bwace bulibe ciyambi ndipo bun’dzamala lini. |
|
Mbuya |
Psalymo 135:5 |
Fala limweri mu cihebereu limbasanduliziridwa kuti ‘A·dhohn’ na ‘Adho·nim’ bzomwe bzimbathandauza “mwenekaciro” ayai “misiri.” |
Mkulu wa Anyankhondo |
Zaiya 1:9; Waroma 9:29 |
Yahova ni mtsogoleri wa thimu likulu la anjo. Dzina la udindo lakuti “Mkulu wa Anyankhondo” lingasanduliziridwembo kuti “Yahova wa anyankhondo.”—Waroma 9:29 Tradução do Novo Mundo; Almeida, Edição Revista e Corrigida. |
Wam’dzuludzulu |
Psalymo 47:2 |
Ni mkulu kuposa cirengedwe centse. |
Ngwakucenesesa |
Mimwani 9:10 |
Iye ngwakucena kuposa munthu ali-wentse. |
Nyakuumba |
Zaiya 64:8 |
Ninga nyakuumba dongo, Mulungu ana mphanvu zakutonga munthu ali-wentse na mitundu yentse.—Waroma 9:20, 21. |
Cakulombolera |
Zaiya 41:14 |
Mwakuphatisa basa ntsembe ya Jezu, Mulungu ambalombola wanthu ku pikado na infa.—Juwau 3:16. |
Tsendwa |
Psalymo 18:2, 46 |
Mulungu ambapulumusa na kukhotcerera atumiki wace. |
Mpulumusi |
Zaiya 45:21 |
Mulungu ambapulumusa atumiki wace ku bzinthu bzakugopswa ayai bzinthu bzomwe bzingawadzonge. |
Makabusa |
Psalymo 23:1 |
Iye ambathandiza omwe ambamutumikira. |
Mbuya Mkululetu |
Utongi bwace bulibe malire ndipo mu Cihebereu ambaphatisa basa fala lakuti ʼAdho·naiʹ. |
|
Mkululetu |
Yahova ni mtongi mkulu mu cirengedwe centse. |
Madzina ya mbuto zomwe zimbagumidwa m’Bzinembo bza Cihebereu
Madzina manango ya mbuto zomwe zimbagumidwa m’Bibliya zimbacokera ku dzina la Mulungu. Tsono yamweya ni madzina lini manango ya Mulungu.
Dzina la mbuto |
Pomwe Ikugumanika |
Thandauzo |
|---|---|---|
Yahova-Jiré |
“Yahova An’dzapereka Bzakufunikira.” |
|
Yahova-Nissi |
“Yahova ni Muti Wangu Wakuthawira” ayai ni “Bandera Langu.” (Almeida, Edição Revista e Corrigida) Wanthu wa Yahova angathawire kwa iye kuti awathandize na kuwakhotcerera.—Kufuluka 17:13-16. |
|
Yahova-Salomu |
Wayeruzi 6:23, 24 |
“Yahova ni Mtendere.” |
Yahova-sama |
Zakiyeri 48:35 Centro Bíblico Católico; Tradução do Novo Mundo (com Referências), mafala ya m’nyantsi. |
“Yahova ali Kumweko.” |
Thangwe ranyi mpsakufunika kudziwa na kuphatisa basa dzina la Mulungu
Mulungu ambawona kuti dzina lace ndakufunika. Ndipopa iye adacitisa kuti ligumanike m’Bibliya kazinji kentse.—Malakiya 1:11.
Mwana wa Mulungu omwe ni Jezu, adalewa kazinji kentse kufunika kwa dzina la Mulunguyo. Mwa ciratizo, iye adapemba kwa Yahova kuti: ‘Dzina lanu licenesedwe.’—Mateu 6:9; Juwau 17:6.
Kudziwa na kuphatisa basa dzina la Mulungu ni bzinthu bzakuyambirira bzomwe bzingacitise munthu kukhala pauxamwali na Yahova. (Psalymo 9:10; Malakiya 3:16) Pa Psalymo 91:14, Mulungu adalewa kuti: ‘Pakuti iye ambandifuna, ine nin’dzamupulumusa. Ine nin’dzamukhotcerera thangwe iye ambadziwa dzina langu.’
Bibliya limbafotokoza kuti iripo mirungu mizinji kwene-kwene. Iro limbati: ‘Iripo ire yomwe imbacemeredwa “mirungu,” kudzulu ayai pantsi pano, ndipo cadidi iripodi “mirungu” mizinji na “ambuya” azinji.”’ (1 Wakolinto 8:5, 6) Koma limbalewa mwakutsimikiza bwino kuti dzina la Mulungu wacadidi omwe ni m’bodzi basi ni Yahova.—Psalymo 83:18.
^ Adziwi winango wa Cihebereu ambawona kuti bziri bwino kusandulizira dzina la Mulungu na “Iavé” ayai “Javé.”
^ Cigwatira ca dzina la Mulungu ni “Ya,” ndipo limbagumanika maulendo 50 m’Bibliya. Kawiri-kawiri cigwatira cimweci cimbagumanika pa fala lakuti “Aleluya,” lomwe limbathandauza kuti “Tumbizani Ya,” ayai “Tumbizani Javé,” ninga momwe imbafotokozera kusandulizira kwa Pontifício Instituto Bíblico de Roma (Edições Paulinas).—Cibvumbulutso 19:1; Buku Lopatulika Ndilo Mawu a Mulungu.
Imwepo Mungakomedwembo na
MITAWIRO YA MIBVUNZO YAKULEWA BZA BIBLIYA
Kodi Yahova ni Mbani?
Kodi iye ni Mulungu wa thimu la wanthu ninga momwe bzikhaliri na Ajirayeri?
BZA IFE
Kumbirani kuti Mboni za Yahova zidzakuzungireni.
Cezani Nkhani za m’Bibliya na Mboni za Yahova ayai yezerani kupita mu programa yathu yakukumbirira pfunziro la Bibliya la fovolo.