Imwepo mungapembere cinthu ciri-cense comwe cimbabverana na bzomwe Mulungu ambafuna, ninga momwe Bibliya limbalewera. ‘Ciri-cense comwe timukumbireco mwakubverana na kufuna kwace, iye [Mulungu] ambatibva.’ (1 Juwau 5:14) Kodi mungamuuzembo bzinthu bzomwe bzimbakunesani? Inde, thangwe Bibliya limbati: ‘Mukhuthulireni [Mulungu] bza mu mtima mwanu.’—Psalymo 62:8.

Bzinthu bzinango bzomwe mungapembere

• Kukumbira kuti Mulungu alimbise cikhulupiro canu.—Luka 17:5.

• Kukumbira mzimu wakucena kuti ukuthandizeni kumbacita bzinthu bzakulungama.—Luka 11:13.

• Kukumbira mphanvu kuti mukwanise kulimbana na bzineso na mapumpso.—Wafiripo 4:13.

• Kukumbira mtendere.—Wafiripo:6, 7.

• Kukumbira nzeru kuti mumbacite bzakusankhula bzabwino.—Tiyago 1:5.

• Kukumbira kuthandizidwa pa bzakusaya bza nsiku na nsiku.—Mateu 6:11.

• Kukumbira kulekereredwa pikado zanu.—Mateu 6:12.