Inde. Bibliya pabodzi na bzomwe bzidacitikira kale wanthu pa moyo wawo bzimbalatiza kuti Mulungu ambatawira mipembo ya wanthu. Bibliya limbati: ‘Iye [Mulungu] an’dzacita bzakukhumba bza wale womwe wambamugopa, iye an’dzabva kukuwa kwawo kwakukumbira thandizo ndipo an’dzawapulumusa.’ (Psalymo 145:19) Tsono penu Mulunguyo an’dzakutawirani ayai ne bzin’dzathemba imwepo.

Bzomwe Mulungu ambafuna

• Timbapembe Mulunguyo, sikuti Jezu, Mariya, anyakucena, wanjo ayai bzifanikiso. Yahova yekha ndiye ‘Mbveseri wa mipembo.’​—Psalymo 65:2.

• Mipembo yathu imbabverane na bzomwe Mulungu ambafuna, ninga momwe Bibliya limbapfunzisira.​—1 Juwau 5:14.

• Timbapembe m’dzina la Jezu, mwakuzindikira udindo bomwe iye anabo. Jezuyo adati: ‘Palibe omwe angafike kuna Baba, acisaya kupita na mwa inepano.’​—Juwau 14:6.

• Timbapembe na cikhulupiro, ndipo bzikafunikira timbakumbire kuti cikhulupiro cathu cithumiziridwe.​—Mateu 21:22; Luke 17:5.

• Timbakhale wakubzicepswa na wantima wakulungama. Bibliya limbalewa: ‘Yahova ali padzulu, ndipo ambawona munthu wakubzicepswa.’

• Mbalimbikirani kupemba. Jezu adati: ‘Pitirizani kukumbira, ndipo mun’dzapasidwa.’​—Luka 11:9.

Bzomwe Mulungu ambacita lini nabzo thupo

• Mtundu wanu. ‘Mulungu alibe tsankhulo, koma ambabvuma munthu wakucokera ku mtundu uli-wense, omwe ambamugopa na kucita cirungamo.’​—Mabasa 10:34, 35.

• Momwe munkupembera. Imwepo mungapembe mudakhala pansi, mudagodama, mudakotama ayai mudaima.​—1 Nkhani 17:16; Nehemiya 8:6; Danyeri 6:10; Marko 11:25.

• Kubvekera kwa fala lanu. Mulungu ambabva mitembo yakucitidwa mwakazizizi.​—Nehemiya 2:1-6.

• Kukula ayai kucepa kwa bvuto lanu. Mulungu ambakulimbisani kuti ‘mumuthusire thupo lanu lense, thangwe iye ambakusamalirani.’​—1 Pedru 5:7.