Cikumbuso ca Infa ya Jezu
Sabudu, 12 Abril, 2025
Mboni za Yahova zimbakumbukira infa ya Jezu kabodzi pa gole pakubvera lamulo lomwe iye adapereka lakuti: “Pitirizani kumbacita bzimwebzi pakundikumbukira.”— Luka 22:19
Tikukucemerani kuti mudzagumanike pa msindayu.
Mibvunzo Yakubvunzidwa Kawiri-kawiri
Kodi mtsonkhanoyu umbamala nthawe zingasi?
Mtsonkhanoyu umbamala ora ibodzi basi
Kodi mtsonkhanoyu un’dzacitikira kuponi?
Kuti mudziwe bza mbuto yomwe un’kacitikira mtsonkhanoyu cezani na Mboni za Yahova.
Kodi nin’funika kupagali kobiri kuti ndidzagumanikembo?
Ne.
Kodi kumweko kumbafambisidwa palato yakukumbirira kobiri?
Ne.
Kodi ni mtundu wanyi wa bzakubvala omwe umbabvalidwa pakuyenda kumweko?
Napo kuti palibe kuikhidwiratu mtundu wa bzakubvala, koma Mboni za Yahova zimbaphatisa basa mtemo wa m’Bibliya wakulewa bza kubvala bwino na mwakuthemera. (1 Timotio 2:9) Tsono bzakubvalabzo bzin’funika lini kukhala bzakuumira kwene-kwene.
Kodi n’ciyani cin’dzacitika pa mtsonkhano wa Cikumbuso?
Pa mtsonkhanoyu tin’dzayamba na kuimba nyimbo ndipo tin’dzamalizambo na kuimba nyimbo. Pambacitidwambo mpembo na mtumiki m’bodzi wa Mboni za Yahova. Ndipo nkhani yakucokera m’Bibliya, in’dzafotokoza kufunika kwa infa ya Jezu na momwe ifepano tingagumanire phindu na bzomwe Yahova pabodzi na Jezu adaticitira.
Kuti mudziwe bzizinji, onani nkhani yakuti: “N’chifukwa chiyani a Mboni za Yehova Mumachita Mwambo wa Mgonero wa Ambuye Mosiyana ndi Zipembedzo Zina?”
Kodi ni lini pomwe pan’dzacitika Cikumbuso ca magole yakutsogolo?
2025: Sabudu, 12 Abril
2026: Cinai, 2 Abril
Imwepo Mungakomedwembo na
CIKUMBUSO
Mbakumbukirani Infa ya Jezu
Tinkukucemerani kuti mudzakhale nafe pa mwambo wakufunikayu. Mun’dzapfunza momwe moyo na infa ya Jezu ingakuthandizireni imwepo pa mwekha.
MAPFUNZISO YAKUYAMBIRIRA YA M'BIBLIYA
Thangwe Ranyi Jezu Adafa?
Bibliya limbafotokoza kuti infa ya Jezu idasiyana-kwene-kwene na infa ya wanthu wense. Kodi infa yaceyo ikhana cakulinga ciponi?