Kodi mun’funikira kuyamba mwakumbira pomwe mukanati kubwera kudzatizungira? Inde. Kuti titcenkhe kutambira wanthu azinjisa kabodzi-kabodzi na kuti wense omwe an’dzatizungira akomedwe, ifepano timbakumbira kuti alendo wathu wense atome akumbira pomwe akanati kubwera kudzatizungira, bziribe basa kukula kwa thimu lawo. Kumbirani na nthawe kuti mudzatizungire, pinango mkati mwa mdzinga ubodzi. Mukafuna kudzatizungira mu nsiku za feriyado, mun’funikira kutikumbira na nthawe kwene-kwene.

Penu mulibe kukumbira, kodi bzingakwanise basi kutizungira? Penu mulibe kukumbira, tingakwanise lini kukutambirani. Pakuti mbuto yathu njing’ono, timbandotambira wanthu wakucepa pa nsiku kuti adzatizungire.

Kodi mun’funika kufika pa nthawe iponi kuti mudzatizungire? Tikukumbira kuti mudzafike ora ibodzi pomwe ikanati kukwana nthawe yomwe mudalewa kuti mun’dzatizungira kuti tidzatcenkhe kugwezeka wanthu.

Kodi mungakumbire tani kudzatizungira? Tinyani pa “Kumbirani Kudzatizungira.”

Kodi mungacinje ayai kupfudza mkumbiro omwe mukhadacita? Inde. Tinyani pa “Kuwona ayai Kucinja Nsiku Zomwe Ndikhakumbira.”

Tsono, tani penu bzingakwanisike lini kukuzungirani pa nsiku zomwe ndikhafuna maka-maka? Pitirizani kufufudza pa saitipo. Nsiku zakudzatizungira zimbadzawoneka pomwe winango ambacinja ayai kupfudza nsiku zomwe iwo akhadakumbirambo kuti adzatizungire.

Cosani kabroxura kakulewa bza kuzungira mthambi yathu

Kuwona Nyumba Yathu: Kuzungako kumbayamba na pa Nyumba ya Beteli pomwe mumbalatizidwa vidiyo yakukutambirani. Mavidiyo manango mumbalatizidwa kuti mukhale na cithunzi-thunzi ca mabasa yomwe yambaphatidwa pa Beteli na momwe Beteli imbathandizira kunamata kwathu. Wana ambakomedwa kucosa bzithunzi-thunzi na Kalebe na Sofia pa mbuto yakuti Khala Xamwali wa Yahova.

Kuzungira Mbuto Yaciwiri Yakudindira: Mavidiyo matatu yambalatiza kufunika kwa mabasa ya kusandulizira na kudinda mabukhu m’bzirewedwe bza m’dzikomo. Pana cakuwonera comwe cimbathandiza alendo kukhala na cithunzi-thunzi ca momwe umbaphatira basa mtcini wathu wakudindira mabukhu. Cinthu cikulu comwe cimbalatizidwa ni kulatizidwa kwa mabibliya yakusiyana-siyana yomwe yambawonesa momwe dzina la Mulungu limbaphatisidwira basa m’bzirewedwe bzinango bza m’dzikomo.

Kuzungira Mbuto Yacitatu Yakudindira: Pana cakuwonera comwe cimbathandiza momwe limbafambira basa la kulongedza na kutumiza mabukhu, pabodzi na cithunzi-thunzi cakulatiza komwe yambayenda mabukhu yakulongedzedwa kale. Mavidiyo matatu yambalatiza momwe zimbamangidwira Nyumba ya Umambo, momwe mabukhu yambatumizidwira ku magwere na momwe yambakonzedwera mavidiyo na mabukhu yakundobvesera.

Mbuto Yakupumira ya Alendo: Alendo ambaphatisa basa mbuto yakudekayi kuti adye na kuceza. Ni mbuto yomwe ina miti, ndipo pa nsiku za feriyado karo zense zimbaikhidwa pa mbuto imweyi.

Bzakufambira Nabzo: Pa nsiku za feriyado, pana macibombo zathu zomwe zimbanyamula alendo pakuzunga nawo mbuto zakusiyana-siyana.

1 Robert Broom Drive East

Rangeview

KRUGERSDORP

1739

ÁFRICA DO SUL

+27 11-761-1002