Mbuto na Nthawe Zomwe Mungatizungire
Tinkukukomedwa kukuuzani kuti mudzazungirembo mthambi pabodzi na nyumba zathu zakudindira mabukhu. Dziwani mbuto na nthawe yomwe mungadzatizungire.
Kuyamba Pomwe Kuzungira Mthambi: M'madziko mazinji, tidayamba pomwe kuzungira mthambi pa 1 Junho, 2023. Kuti mudziwe bzizinji, cezani na mthambi yomwe mukufuna kuzungirayo. Lekani kuzungira mthambi mukakhala muna COVID-19, mukakhala muna cimpsine ayai penu mwakhala pafupi na munthu omwe ana COVID-19.
Estados Unidos
Kukumbira Kudzatizungira
Kodi mun’funikira kuyamba mwakumbira pomwe mukanati kubwera kudzatizungira? Inde. Kuti titcenkhe kutambira wanthu azinjisa kabodzi-kabodzi na kuti wense omwe an’dzatizungira akomedwe, ifepano timbakumbira kuti alendo wathu wense atome akumbira pomwe akanati kubwera kudzatizungira, bziribe basa kukula kwa thimu lawo.
Penu mulibe kukumbira, kodi bzingakwanise basi kutizungira? Penu mulibe kukumbira, tingakwanise lini kukutambirani. Pakuti mbuto yathu njing’ ono, timbandotambira wanthu wakucepa pa nsiku kuti adzatizungire.
Kodi mun’funika kufika pa nthawe iponi kuti mudzatizungire? Tikukumbira kuti mudzafike ora ibodzi pomwe ikanati kukwana nthawe yomwe mudalewa kuti mun’dzatizungira kuti tidzatcenkhe kugwezeka wanthu.
Kodi mungakumbire tani kudzatizungira? Penu gulu lanu lin’pitirira lini wanthu 20, tinyani pa “Kumbirani Kudzatizungira—Wanthu Wakusaya Kupitirira 20.” Tsono akapitirira mulewengo umweyu, tinyani butau lakuti Kumbirani Kudzatizungira—Wanthu 20 ayai Wakupitirira.
Kodi mungacinje ayai kupfudza mkumbiro omwe mukhadacita? Inde. Tinyani pa “Kuwona ayai Kucinja Nsiku Zomwe Ndikhakumbira.”
Tsono, tani penu bzingakwanisike lini kukuzungirani pa nsiku zomwe ndikhafuna maka-maka? Pitirizani kufufudza pa saitipo. Nsiku zakudzatizungira zimbadzawoneka pomwe winango ambacinja ayai kupfudza nsiku zomwe iwo akhadakumbirambo kuti adzatizungire.
Nsiku Zakutizungira
Warwick
1 Kings Dr.
TUXEDO PARK, NY 10987
ESTADOS UNIDOS
+1 845-524-3000
Bzomwe Timbacita
Kuwona Bzithunzi-thunzi Bzakufotokozeka Bzokha
A Bíblia e o Nome Deus. Kulatizidwa kwa mabibliya yakusiyana-siyana yakusaya kuwonedwa kawiri-kawiri, yacitsimikizira kuti dzina la Mulungu lidasungidwa napo wanthu adayezera kupfudza. Pambalatizidwambo mabibliya manango pomwe yakusaya kuwonedwa kawiri-kawiri pabodzi na bzinthu bzakubverana na Bibliya. Bzinthu bzakulatizidwabzo bzimbacinjidwa nthawe na nthawe.
Um Povo Que Leva o Nome de Jeová. Bzithunzi-thunzi bzakulatiza cuma cauzimu ca Mboni za Yahova. Bzinthu, bzithunzi-thunzi na nkhani zomwe zidacitika pa moyo wa wanthu zimbalatiza momwe Yahova ambatsogolera, kupfunzisa na kulinganiza wanthu wace kuti apitirize kucita Kufuna Kwace.
Sede Mundial—Fé em Ação. Bzithunzi-thunzi bzakutinyika bzomwe bzimbafotokoza momwe yambaphatira basa makomiti ya Bungwe Lakutonga. Alendo ambawonambo momwe makomitiya yambathandiza Mboni za Yahova kubvera malango ya m’Bibliya yakulewa bza kutsonkhana, kupfunzisa, kupfunza Bibliya na kulatizana lufoyi.
Kuzungisiwa
Kuwona nyumba ya Beteli na mabasa yakusiyana-siyana ya ku Warwick.
Cosani kabroxura kakulewa bza kuzungira mthambi yathu
Patterson
100 Watchtower Dr. (2891 Route 22)
PATTERSON, NY 12563
ESTADOS UNIDOS
+1 845-306-1000
Bzomwe Timbacita
Mthambi imweyi imbakonza bzithunzi-thunzi bzakuphatisidwa basa m’mabukhu pabodzi na mavidiyo na mabukhu yakundobvesera. Pakuzungira mthambiyi mun’dzafotokozedwerambo bza maxikola yomwe yalipo kumweku.
Wallkill
900 Red Mills Rd.
WALLKILL, NY 12589
ESTADOS UNIDOS
+1 845-744-6000
Bzomwe Timbacita
Gole liri-lense, mthambiyi imbadinda mabukhu yakufotokoza Bibliya yakupitirira 25.000.000. Imbatumiza mabukhu ya m’bzirewedwe bzakupitirira 360 ku mthambi za pa dziko la pansi na ku magwere ya Mboni za Yahova yakupitirira 15.000 ku Estados Unidos, Canadá na ku Caribe.